大圍小館

Open Now

Now Closed

員工服務態度好，環境舒適！食物有水準，尤其燒鵝超水準～皮脆肉嫰好味😋😋厚切叉燒係他們招牌菜！他們會奉上叉燒時，即時在場搽上蜜糖用火熗再燒烤片刻，增加味蕾和視覺享受！！

今晚一行三人唱完歌吃晚飯，早兩天已經打電話訂枱，晚上只有6點和8點兩輪枱，剛好我們5點半便唱完歌，大家都懷着期待的心情來到餐廳，看見差不多每枱都有點义燒，我們也要了一碟，餐廳的中央有個大屏幕，剛巧正在推介醃鵝的方法，我們便點了個例牌脆皮黑鬃鵝一試，朋友點了砂窩蝦頭膏炒飯，還有蝦醬啫啫生菜煲。坐下很快便端上义燒，义燒是燒得焦黑的，肉質不夠嫰滑而且偏肥，接著端上脆皮黑鬃鵝，比义燒更惡劣，肉質又嚡又實，吃不出味道，接著來的砂窩蝦頭膏炒飯更是敗筆之作，朋友以為送錯了飯給我們，便向侍應查詢，因為在砂窩裏面完全找不到蝦頭膏，更加吃不到蝦頭膏的味道，淨係有些淡而無味的蝦仁在飯裏面，仲要索價$228，其實同蝦仁加蔥炒飯冇分別，最後來的蝦醬啫啫生菜煲比較正常，不過我哋異口同聲都說份量太少，以$138的價錢，其實可以放多兩棵生菜。吃完飯剛好7點，全程我哋都係透明的，沒有人幫我哋清理枱上的空碟子，唯一關注我哋就係問我哋啲餸菜到齊未，然後就急不及待遞上單據埋單，真係食到一肚氣，結帳埋單共$900，以呢個價錢，這樣的服務，我哋唔會再來光顧了。

又寫住電話訂檯又唔聽電話，打左N個電話都唔聽咁姐係點呀？過到去又話要預定。一係就網上訂檯啦。又寫住電話訂檯又唔聽電話，打左N個電話都唔聽咁姐係點呀？過到去又話要預定。

一行十多人慶祝生日，服務體驗非常差！！！食物正常，乳豬好吃，但服務太差不會再幫襯，服務員態度惡劣！上漏菜耽誤了整餐飯的時間，然後又不停催促交檯，一幫人影相拍照時服務員完全不理狀況，突然插入中間上糖水？？然後有問題時服務員未了解清楚狀況，就胡亂答客，其實佢唔知問一問其他同事又有幾難？？諗住開開心心喺度慶祝家人生日，點知食完出嚟一肚氣，食得一啲都唔盡興，完全享受不到應有的食客體驗，貼錢買難受，不推介！！！

本來尋日已經book好今日6pm枱同屋企人慶祝生日。Book枱時侍應有問：「Book 6點定8點？」突然今日中午12點打嚟扮確認：「你book咗今日1點枱」？？？？？係6點喎！之後佢哋一句：「唔好意思，我哋攪錯，真係無枱」就算數。今日12點先問係咪book咗今日1點？定係突然有熟客要枱，就要唔俾枱我哋呀？呢啲服務態度真係好真誠。

平日中午去人流唔算太多，唔使排隊就可以直接入去。一行四人，叫咗好幾款嘢食，個個都話好食！奶皇包奶皇包熱辣辣非常好食，又超級流心！包質感非常軟熟！流心煎糯米雞賣相好吸引，煎糯米雞非常飽肚，上菜之後店員會幫你切開四份。糯米雞味道有少少過鹹香茜牛肉腸牛肉腸有非常多芫荽，牛肉腸非常嫩滑，咬落去散發住牛肉香味雪山叉燒菠蘿包菠蘿包非常好食，熱熱地菠蘿皮非常鬆脆，叉燒味亦都非常之夾菠蘿包味。菠蘿包都幾大個👍🏻

Walkin大圍小館不嬲都冇乜機會，除非五點幾就去拎飛，所以今次早咗一個月去book。大圍小館有啲好特色嘅點心，唔係間間酒樓有。例如芝麻卷，應該淨係一啲懷舊酒樓先有，仲有個頭咁大嘅沙翁，真係第一次見。值得一試。

入門口個接待態度傲慢、似乎唔憂做嘅模樣，只顧在枱擺位，冇理我。我做咗一陣透明人，終於理我喇、叫我等，話安排合適嘅枱，當時只有我（2人）一張號在等候安排入坐，又再等咗好一段時間，最後原來只得貼住入口個張大枱可坐，個接待仲話全部都係大枱冇細枱安排到，天口咁熱最後冇選擇坐低，離開後係街外玻璃窗回望入去店內較入方向的位置，有枱喎……仲係細枱𠻹！都好，不吃也罷！！

因工事入元朗，知道元朗開咗大圍小館好一段時間，但要打通電話訂位相信都唔容易，同事大概11點姑且一試，竟然比佢成功訂位13:30。😍😍😍我地一行五人，佢地安排咗最入嘅一張大圓枱比我地，細閱點心紙，有好多外面好難食到嘅傳統點心，如：牛骨髓、蒸魚雲、真正灌湯餃、自家製芝麻卷等都真係不得了。知道佢地剛推出$48外賣，我地連晚餐都買埋返屋企，晚上翻熱食都依然高質。服務方面，佢地會主動問我地有冇需要剪開啲食物方便大家分享，非常細心，有啲食物怕會凍所以都會幫我地疊好，上菜時我地幫忙稍為移開啲食物方便上菜，佢地都會同我地講唔該，非常有質素。最重要係我地坐到差不多4點先離開，期待下次再食過。

最近大圍小館做緊午市自取$48 (要另加$1外賣盒），有8款選擇，暫時一至日都適用，未知優惠幾時完。試左兩個飯，一個豬油炒飯，一個福建炒飯。首先兩個飯都同樣炒到粒粒分明，乾身。豬油炒飯材料就係得豬肉碎同蛋炒，味道唔算太重豬油味，但個底都會相對油一d，味道主要來自肉碎。福建炒飯其實個味都係淡口一d，材料都算足，味道來自翠肉瓜同d 海鮮（蝦，小江柱粒），菇，有炒飯底。呢一個比豬油炒飯好食。份量黎講唔算多，都係半盒滿，但如果唔太大食，又想食高質d 既炒粉麵飯，就可以試下。

星期日去中午飲茶分上下時段，第一段12:00-1:30pm. 12:45pm開始比張單你對，不斷入來問會否加點心，怕你趕不及吃完，1:10開始入來收碗碟。很有壓力的飲茶經歴。差！

星期五同朋友惠顧 樓面有個女員工態度好差 最過分係埋單將我地同隔離檯張單調轉左找錯錢 同佢講竟然一聲唔出一手搶過我錢 拎埋張單過隔離檯 超級無禮貌 一句唔好意思都無 仲黑口黑面

第三次重臨元朗大圍小館食晚餐，今次人少少得三個人。晚餐分兩個時段，我地訂左6點頭輪，訂座時亦講明8點交枱。諗住食得貴應該冇限時或者想慢慢吹水既朋友就要注意了。（可選擇網上/電話訂位，本身網站6 點呢個時段已經冇位，但打電話去係有，如果網上訂座冇心水日子或時間就可以打電話去碰碰運氣）。提前預訂左兩道菜：合浦珠環大孖豉油雞（半隻）菜式由肥豬肉包住原隻蝦同原粒合桃整成，咬落乾身，一啲都唔油膩，非常推介。上菜見到配埋內臟，就知到用上新鮮雞而製。豉油雞好入味，我就覺得肉薄啲如雞翼位置，就比較咸。去到再另外點左焗魚腸，一般大排檔/小菜都唔係間間有得食，要洗乾淨魚腸同埋唔好令到道餸冇腥味都考功夫。大圍小館呢個焗魚腸就做得到！最後叫經理介紹加多一個餸，結果佢介紹我地食個菜，啫啫煲夠惹味。由蝦乾伴炒，辣辣地係幾香，但食到底浸住啲辣油，就再辣啲啲。今次見到有侍應拎住沙翁同芝麻卷問每枱客試唔試，但因為最後有糖水送，之前都食過芝麻卷，我地就冇叫了。腐竹都煲到溶哂，食落甜度剛好，食完飯仲有糖水送，完滿作結。諗住食平靚正小菜又可以慢慢吹水任坐既話，大圍小館就未必岩你。食普遍常見既小菜亦會比大排檔既貴，味道方便都可

非常不愉快的經歷父親生日，預早三個星期前預訂滿心歡喜提前預訂懷舊餸菜但惡夢就由飲湯開始杏汁大白菜豬肺豬橫脷粉腸湯眼見湯渣上碟舖排漂亮怎知一飲啖湯，比較濃味應該是被金錢華火腿搶曬其他材料味道飲落比較咸，感覺比較似飲頭湯其他這個是湯係合格嘅，不過以$1280窩湯，我覺得有其他更好選擇功夫八寶鴨這道餸真的不知所謂鴨又冇鴨味，個餡完全炒晒車夾硬將兩樣嘢放埋一齊又係食咗兩啖大家都停哂筷干邑燴花菇鹿筋鵝掌煲首先冇用煲上同我想像好大出入個餸到枱1啲都唔熱總之幾樣野算唔上難食的不過真係冇乜特別雞子弋渣這個我咬咗一啖就食唔落去個油温處理失敗成個弋渣1啲都唔熱面頭啲粉好厚，食落成舊粉同待應反影，完全冇理過你1於實行錢照收，完全冇問過轉其他餸俾你或者其他處理方法合浦珠還全晚只有這個餸大家係食曬唔錯的茶薰雞雞係過火嘅，比較鞋雖然用上鮮雞，但調味好咸所以雞味及鮮蝦味被蓋過其他小菜炒飯麵就唔講咁詳細只係可以話係非常之普通水準最後真係要講下個服務食1圍差唔多5千蚊嘅圍菜限住2小時交枱真的很不爽

大圍小館首間分店揀左大老遠既元朗，係美食雲集既元朗，究竟可唔可以係元朗站穩陣腳，重現本店既風彩呢，今晚就來一探究竟。門面一面大牌匾，大圍小館四隻金漆大字，配上一串串紅色燈籠，有如本店般的裝潢，古典之餘又不失現代感，分店座位不多，一定要預先訂枱。今晚一行十二人剛好一圍，睇過餐牌就開始點菜，前菜先來個煙燻鵝肉卷，擺盤精巧，入口一股煙燻味夾雜淡淡鵝香。沙薑豬手仔外皮Q彈，切得小巧，剛好一口一件。來到大圍小館必點第一叉，叉燒上枱後待應會塗上新鮮菠蘿醬，然後用火槍燒到表皮焦香，入口肉嫩味濃，不過真係太大舊，食得幾用力。再來一整隻琵琶鵝，斬件前原隻上枱，睇到外皮燒到啱啱好，食落鵝皮脆口，肉嫩有油香。之後再來小菜兩碟，分別係椒鹽鮮魷，炸皮脆薄，鮮魷肉質彈牙，相當新鮮。另一道蜜薯和牛柳煮到半熟，入口軟淋肉味濃。椒鹽九肚魚上枱後有驚喜，每條九肚魚以竹簽串起再炸，食落粉簿酥脆，觀感味道都上佳。食飯當然唔少得食菜，馬拉盞蝦乾肉末生啫芥蘭煲上枱熱辣辣，芥蘭每條都好嫩口，用料有質素。最後以蝦籽豉油王炒麵作結，炒麵炒得乾身有鍋氣，沾上蝦籽食別有一番風味。整頓飯可以體驗到每道菜都用料上盛，對得住個價位，不過調味偏濃