Thai 2.0 (Closed)

同老婆要去愉景新城買嘢，所以先揾咗位於商場內的Thai 2.0午餐。餐廳的舖面面積都算大，職員示意我地2人坐卡位，剛剛坐低時感覺有相當的空間。餐廳的選擇都算多，老婆想食扎肉冬陰功檬粉，飲品轉椰青。本身見到套餐轉特色飲品有得減$10，落完單見無得減，問職員答案係椰青係要正價，係有啲唔明，不過既然問咗而答咗係無得折，無必要為咗$10而掃興，最緊要係食物滿意就好。扎肉檬粉整體OK，唔算特別好味，不過要走青但無走到。我就叫咗個Thai 2.0雜扒飯，味道係OK的，份量方面什扒來講就略為細份咗啲。整體餐廳的衛生及乾淨情況都算OK。