Video
Read full review
2012-10-12
4 views
話說個日行街見到淘大開左間新野，咪同女朋友入去試下囉入到去點左兩個下午茶餐既拉麵食(呢度明明寫住點左兩碗麵,點解管理員仲話請避免在食評中引用並非親身光顧之經驗?難度你唔識廣東話?)兩碗拉麵無咩咁特別，價錢都唔係特別貴不過正價一碗好似７Ｘ－８Ｘ，覺得就唔係好抵囉唔值呢個價咁正當我地係度食緊既時候，有幾個客前後拎住Ｄ團購紙應該諗住入黎食返個團購餐，但Ｄ職員就話今日係公眾假期用唔到有Ｄ易話為既客，聽到咁講就唯有走啦但之後黎左兩母女，都係黎食團購餐既職員都係講返同一番說話比佢地聽，話用唔到但個媽媽就話張紙無寫公眾假期用唔到，寫到明星期一至五都可以用照道理應該要比佢地享用呢個團購價啦兩個職員都唔夠佢講既時候，係入面廚房其中一個煮麵師傅就開始爆啦佢非常之斬釘截鐵話用唔到，仲話團購張紙無寫明公眾假期唔用得但亦無話公眾假期用得（咩邏輯呀？咁既話Ｄ條款訂黎做乜？）有咩野就打電話去團購公司投訴退錢最後佢地堅持唔比個客用，個兩母女就好憤慨咁走。其實你地咁大間麵店，有咩理由咁對Ｄ客個客真金白銀幫襯你地，你地自己條款訂得唔好就唔好怪人要個客幫你地頂，仲要個態度咁惡劣其實個日唔係人多，做團購餐你地會蝕幾多呀？怕蝕
見到淘大開左間新野，咪同女朋友入去試下囉
入到去點左兩個下午茶餐既拉麵食
(呢度明明寫住點左兩碗麵,點解管理員仲話請避免在食評中引用並非親身光顧之經驗?難度你唔識廣東話?)
兩碗拉麵無咩咁特別，價錢都唔係特別貴
不過正價一碗好似７Ｘ－８Ｘ，覺得就唔係好抵囉
唔值呢個價
咁正當我地係度食緊既時候，有幾個客前後拎住Ｄ團購紙
應該諗住入黎食返個團購餐，但Ｄ職員就話今日係公眾假期用唔到
有Ｄ易話為既客，聽到咁講就唯有走啦
但之後黎左兩母女，都係黎食團購餐既
職員都係講返同一番說話比佢地聽，話用唔到
但個媽媽就話張紙無寫公眾假期用唔到，寫到明星期一至五都可以用
照道理應該要比佢地享用呢個團購價啦
兩個職員都唔夠佢講既時候，係入面廚房其中一個煮麵師傅就開始爆啦
佢非常之斬釘截鐵話用唔到，仲話團購張紙無寫明公眾假期唔用得
但亦無話公眾假期用得（咩邏輯呀？咁既話Ｄ條款訂黎做乜？）
有咩野就打電話去團購公司投訴退錢
最後佢地堅持唔比個客用，個兩母女就好憤慨咁走。
其實你地咁大間麵店，有咩理由咁對Ｄ客
個客真金白銀幫襯你地，你地自己條款訂得唔好就唔好怪人
要個客幫你地頂，仲要個態度咁惡劣
其實個日唔係人多，做團購餐你地會蝕幾多呀？
怕蝕唔好開門做生意啦！
我諗樓下有Ｄ食評係我個日見到既客人黎，師奶我支持你呀！
Post