晉薈 (Closed)

這裡假日下午茶＄76/位，價錢算是吸引。訂了15：00，說會hold 檯10分鐘，當日14:50到達，餐廳門口職員卻說己取消了Booking,真的O了咀，未回魂之時又說有客人取消了我們又有檯，看到電話有兩個missed call,聽回電話13：52留言: Ｘ小姐，我地而加幫你取消張檯先，有需要再打返比我地呀。訂位時職員並冇話會再致電confirm booking,而且我到達之時間亦還未到15：00，何解要咁快取消我張檯？這處理手法很需要改善。本想3個人叫兩個下午茶再另點咸食（例如 三文治之類），但這個時段就只供應＄76/位嘅tea set, 沒有其他選擇，只好點了3人份。頂層是壽司跟鵝肝三文治真好奇點可以切到咁薄嘅三文魚，隱約見到下面嘅飯，入口防如無物，完全食唔到三文魚嘅味。成個set最值得推介就是鵝肝三文治鵝肝大大塊但不會膩西餅跟最下層中式甜點很一般，如果說＄76/位在酒店下午茶,這的確是抵食，但抵食同好食係兩回事，而且這裡裝修環境及景觀亦沒什特別，不會令你食完想坐多會嘆嘆茶。不過再看看＄76/位這個價錢，不能有太高要求吧。