Video
Read full review
2020-10-25
81 views
因為太想打邊爐🔥，喺尖沙咀附近搵到一間「打邊爐」，就膽粗粗去試下，門口個職員姐姐話7:30pm前離座有8折優惠😃，聽到咁旬即刻入去坐底叫湯底。湯底方面，我哋選擇咗藥膳醉雞湯（半隻雞），湯料有准山、紅棗、杞子等，放入浸過紹興酒嘅雞，將成個湯升級咗，酒味重咗但又吾會太濃，大家可以試下飲吓個湯👍🏻，店員都推薦喺落完雞之後要飲湯。店員方面，服務態度好好😇，幫我地擺低湯底之後會提醒我地幾時落雞、又會主動幫我地一件一件咁放落湯裡面，然後再溫馨提示滾咗之後焗10分鐘先開蓋食，仲會定時幫我地撇油同換新碟。呢幾個步驟裡面，都睇得岀呢度既員工好helpful同細心，值得一讚。不過最後埋單同我哋講無得折🤨，因為係星期六所以無，感覺上好似俾店員昆咗。肉類方面🍖🍗，我地點咗日本鹿兒島黑豚肉、牛利托各一份，份量同價錢都幾合宜。黑豚肉的肉質彈牙，望落去油花清晰、不過每塊有三分之一部分屬於肥豬肉，鍾意食肥瘦分明肉質嘅你點呢樣都吾錯😛。至於牛利份量足本，一碟有20塊左右，厚薄適中，熟咗之後仍保持爽口同有𡁻頭。其他食物我哋叫咗蔬菜拼盤🥒🥦🌽、山水豆腐，蔬菜有三種菜組成，有生菜、娃娃菜、小堂菜，菜滾熟咗之後吸咗湯汁提升咗菜
湯底方面，我哋選擇咗藥膳醉雞湯（半隻雞），湯料有准山、紅棗、杞子等，放入浸過紹興酒嘅雞，將成個湯升級咗，酒味重咗但又吾會太濃，大家可以試下飲吓個湯👍🏻，店員都推薦喺落完雞之後要飲湯。
店員方面，服務態度好好😇，幫我地擺低湯底之後會提醒我地幾時落雞、又會主動幫我地一件一件咁放落湯裡面，然後再溫馨提示滾咗之後焗10分鐘先開蓋食，仲會定時幫我地撇油同換新碟。呢幾個步驟裡面，都睇得岀呢度既員工好helpful同細心，值得一讚。不過最後埋單同我哋講無得折🤨，因為係星期六所以無，感覺上好似俾店員昆咗。
肉類方面🍖🍗，我地點咗日本鹿兒島黑豚肉、牛利托各一份，份量同價錢都幾合宜。黑豚肉的肉質彈牙，望落去油花清晰、不過每塊有三分之一部分屬於肥豬肉，鍾意食肥瘦分明肉質嘅你點呢樣都吾錯😛。至於牛利份量足本，一碟有20塊左右，厚薄適中，熟咗之後仍保持爽口同有𡁻頭。
其他食物我哋叫咗蔬菜拼盤🥒🥦🌽、山水豆腐，蔬菜有三種菜組成，有生菜、娃娃菜、小堂菜，菜滾熟咗之後吸咗湯汁提升咗菜嘅鮮味，滾耐d更入味✨。山水豆腐好滑、擺落湯更美味，最鍾意食吸湯嘅食物。😋
今次試食「打邊爐」，整體嚟講係唔錯既，價錢同食物質素成正比，服務都好嘅。店員話佢哋最近做緊新優惠，詳情可參閱佢哋嘅社交平台“打邊爐”、仲會送小食同刺身，有機會再尼試下啦！🤓
蔬菜拼盤
11 views
0 likes
0 comments
牛脷托
19 views
0 likes
0 comments
山水豆腐
8 views
0 likes
0 comments
日本鹿兒島黑豚肉
12 views
0 likes
0 comments
醉雞 半隻
2 views
0 likes
0 comments
調味盤
0 views
0 likes
0 comments
Post
