Oldish (Closed)

已經支持咗OLDISH好幾年💖除咗因為環境舒適、裝修有品味，食物質素都唔錯！尤其係signature burger🍔所以，去開附近，都一定會去支持食吓嘢。但事隔一段時間再幫襯，都覺得幾失望。我平日夜晚（8點左右）去到。入到去，食物只係得返意粉同飯，飲品（其實上到去食都會想enjoy杯咖啡🥲）、甜品都未能提供🙅🏽‍♀️。另外，食物未到，就先請我哋埋單。我理性上明白平日夜晚唔係咁旺、唔多客人，可能去到呢個鐘數，預留嘅食物已經唔多，而且想趁收工前埋埋條數。但係我（情感上😂）都幾失望食物嘅選項淨返咁少。而且，個氛圍令人唔會想好似之前咁靜靜坐低、慢慢enjoy吓啲食物。平心而論，食物質素保持到，真係好食，但今次會令我卻步再過嚟幫襯🥲（少少side note，唔好誤會，其實staff嘅態度冇問題同友善～不過，對比起之前嚟嘅經驗，今次咁樣真係有啲失望。）