Video
Read full review
2024-05-21
1028 views
前一日搵下紅磡有咩食，見到火夫好似d 相幾吸引，有拉麵又有串燒都係百零蚊，仲可以openrice 訂枱，就即刻book 左。睇過d 相見餐廳d 位有一半都會同另一枱客背貼背咁坐，因為同行有個bb，打電話問過餐廳冇bb 凳，但見佢都有d 背靠牆既位，就係openrice 訂位時remark 左。訂左星期六既1:45pm，去到門口都有兩三組人等位，由於訂左枱，我地都可以直接入座。兩大人加一bb，估唔到餐廳好好人咁安排左個6人卡位俾我地，有一邊係靠牆，咁就唔怕bb 會撞到人。假日週末都係$138起，仲包3個前菜，一個麵食，兩個條串物，加野飲，價錢黎講一d 都唔貴。但當然最熱門既虎蝦濃湯麵要另加$50。以下一品（前菜）都係以二人份上菜。估唔到青瓜同味噌都幾夾，唔會過咸。枝豆春卷既感覺好新奇，少脆既春卷皮包住成條枝豆。 雞肝醬冇左半身雞肝難入口既內臟味，容易入口。虎蝦濃湯麵（+$50)上菜速度非常快，上左青瓜之後，店員已經遞上呢個推介既虎蝦濃湯麵。可能因為差唔多枱枱都係食佢，餐廳都keep 住出。湯身好杰，用"醬"形容佢比用"湯"應該更貼切。杰身既關係，麵非常掛湯，亦食得出有濃濃蝦味同蕃茄味，但
訂左星期六既1:45pm，去到門口都有兩三組人等位，由於訂左枱，我地都可以直接入座。兩大人加一bb，估唔到餐廳好好人咁安排左個6人卡位俾我地，有一邊係靠牆，咁就唔怕bb 會撞到人。
假日週末都係$138起，仲包3個前菜，一個麵食，兩個條串物，加野飲，價錢黎講一d 都唔貴。
但當然最熱門既虎蝦濃湯麵要另加$50。
以下一品（前菜）都係以二人份上菜。
麥粒味增青瓜（一品）
15 views
0 likes
0 comments
估唔到青瓜同味噌都幾夾，唔會過咸。
枝豆春卷/雞肝多士 (一品）
13 views
0 likes
0 comments
枝豆春卷既感覺好新奇，少脆既春卷皮包住成條枝豆。 雞肝醬冇左半身雞肝難入口既內臟味，容易入口。
虎蝦濃湯麵
4 views
0 likes
0 comments
虎蝦濃湯麵（+$50)
上菜速度非常快，上左青瓜之後，店員已經遞上呢個推介既虎蝦濃湯麵。可能因為差唔多枱枱都係食佢，餐廳都keep 住出。湯身好杰，用"醬"形容佢比用"湯"應該更貼切。杰身既關係，麵非常掛湯，亦食得出有濃濃蝦味同蕃茄味，但個湯都幾油，兩個人share 食都覺得飽同膩。
10 views
0 likes
0 comments
麵黎到都馬上夾起隻蝦，等佢可以保持乾身，慢慢食。櫻花蝦包住大條既虎蝦去炸，第一啖食只係咬到炸到脆既櫻花蝦就略帶苦味，但再食連住蝦咬又冇呢個問題，但蝦本體都比較實淨。
雞白湯素麵
18 views
0 likes
0 comments
另一碗麵食叫左雞白湯素麵（+$10)
先講湯，冇得同出面雞白湯比較，個甜味同鮮味都做唔到。另外佢仲配左片檸檬，淨係食到檸檬既酸味。
麵身好幼，本身都冇咩咬口，浸ni兩浸就更加快淋。
有兩小舊大約兩隻手指咁粗既雞肉同溏心蛋。雞本身淋，一咬就散。溏心蛋做到半熟狀態，但酒味好重。
串燒叫左：
白燒活鱔（+$8)
蜜瓜牛卷
炸串叫左：
半熟卵明太子 (+$2)
蟹肉牡蠣 (+2）
白燒活鱔/蜜瓜牛卷
6 views
0 likes
0 comments
白鱔可能未夠熟，食完個咁有d "拿拿"既感覺
蜜瓜係紅/赤肉蜜瓜，但唔太甜，所以夾住牛食都冇咩特別。
蜜瓜牛卷
12 views
0 likes
0 comments
明太子半熟卵
6 views
0 likes
0 comments
好似係栗米片包住隻流心蛋，一咬就流哂d 蛋汁出黎，食落有d 論盡，明太子沙律醬唔算多，都係普普通通。
蟹肉牡蠣
3 views
0 likes
0 comments
最後既蟹肉牡蠣反而有d 驚喜，炸皮唔算厚，中間牡蠣幾甜，熟度剛好，蟹肉都算多。4串入面最值得食呢個！
環境黎講佢樓底唔高，都幾嘈雜，但座位都叫舒適。
出餐有d 混亂，兩碗麵都分別再黎多左一次。
埋單兩個人加埋$340左右，呢個價錢黎講都可以一試，但串物同炸虎蝦既質素好似同一直見到既食評一樣，「覺得串物未熟/普通」、「虎蝦過熟/表皮過燶」，感覺好似都冇改善，結果大家都只係慕名而來，試一次虎蝦濃湯麵，就未必有下次。
Post
