王家沙．花樣年華 (太古城中心)

Open Now

Now Closed

同舊朋友中秋節前嚟一次聚會，三個人叫咗蟹粉小籠包、宮保蝦、熏魚、奶油津白、京蔥炒羊肉、馬拉盞炒通菜、鍋貼及招牌牛肉餅，上菜速度快，可能是晚餐廳人數唔算多，食物溫度及味道都OK。先講小籠包，一籠五隻，係正正常常，皮唔算太薄，但係入邊肉汁夠。宮保蝦夠惹味，肉質都可以，亦都冇過熟嘅情況出現。京蔥炒羊肉，泡饃得四片略為唔夠，羊肉亦都唔夠臊味。鍋貼一份三隻肉汁夠煎得夠好。招牌牛肉餅一份都係三隻。其餘嘅奶油津白、熏魚及馬拉盞通菜就冇影到相啦。最後，是次消費經OpenRice訂枱，所以全單堂食九折。