Video
Read full review
2018-07-28
87 views
自從亞士厘道盡頭取消哂d電單車位后，都無落過去哩條街嚕，今次因為朋友約我去 Amitie Kitchen 食飯先至落去，順道懷念一吓。朋友話 Amitie Kitchen 環境同食品唔錯，又上去睇睇係咪名符其實先。一上到去，客人不少，心諗：好食先多客人幫襯啫，好好彩等咗唔太耐就有位坐。點咗兩個 dinner set, 一個係炸蠔二重奏意大利麵，另一個係烤燒8安士美國頂級無骨牛小排配香草燒馬鈴薯，是日餐湯係栗子湯，前菜大蝦甜橙配茴香沙律，吞拿魚他他配日式芝麻醬。點完餐望望環境，發覺好多OL聚會吹水，而且餐廳重有間房設施，係一大班朋友聚腳好地方。栗子湯個質感好正，好濃郁唔係水汪汪，啱哂自己口感，因為我怕飲d淡到水咁嘅西湯，湯有栗子味但味道唔會好重，唔錯。大蝦取甜橙，從未試過咁嘅配搭食法，大蝦夠新鮮，配上真係甜橙嘅甜橙，搞到味蕾好特別。吞拿魚配曰式芝麻醬係一個驚喜前菜，我唔太中意食吞拿魚，但配咗芝麻醬之后變得惹味。掛住傾計，攤凍哂碟意粉㖭，但炸蠔入口重係脆口，入面嘅蠔唔知係咩品種，只知蠔嘅味道啱自己口味，有蠔嘅鮮甜味但唔重味。牛我中意食熟d。所以牛小排點八成熟，入口牛味好重，因為無用太多醃料
朋友話 Amitie Kitchen 環境同食品唔錯，又上去睇睇係咪名符其實先。
一上到去，客人不少，心諗：好食先多客人幫襯啫，好好彩等咗唔太耐就有位坐。
點咗兩個 dinner set, 一個係炸蠔二重奏意大利麵，另一個係烤燒8安士美國頂級無骨牛小排配香草燒馬鈴薯，是日餐湯係栗子湯，前菜大蝦甜橙配茴香沙律，吞拿魚他他配日式芝麻醬。
點完餐望望環境，發覺好多OL聚會吹水，而且餐廳重有間房設施，係一大班朋友聚腳好地方。
栗子湯個質感好正，好濃郁唔係水汪汪，啱哂自己口感，因為我怕飲d淡到水咁嘅西湯，湯有栗子味但味道唔會好重，唔錯。
大蝦取甜橙，從未試過咁嘅配搭食法，大蝦夠新鮮，配上真係甜橙嘅甜橙，搞到味蕾好特別。
吞拿魚配曰式芝麻醬係一個驚喜前菜，我唔太中意食吞拿魚，但配咗芝麻醬之后變得惹味。
掛住傾計，攤凍哂碟意粉㖭，但炸蠔入口重係脆口，入面嘅蠔唔知係咩品種，只知蠔嘅味道啱自己口味，有蠔嘅鮮甜味但唔重味。
牛我中意食熟d。所以牛小排點八成熟，入口牛味好重，因為無用太多醃料，我只食到海鹽，切開牛小排，顏色好吸晴，牛肉入口又軟又冧，唔錯。
餐廳服務員個個都係后生囡囡，服務唔錯，我麻鬼煩要求轉兩次枱都無咋型，抵讚！(^0^)v
7 views
0 likes
0 comments
Post
