Video
Read full review
2021-06-25
1370 views
又係我最鍾意食既日本菜，第一次食依間餐廳，入到去先知有咩食同幾錢😂。好彩唔係好貴。裝修好靚，日本居酒屋咁既Feel🇯🇵。見好多食評都有提起女侍應態度問題，有少少粗聲粗氣，指示唔清楚令我地去錯位，女侍應「叫左你地等等」。唔算好差既體驗，不過可以禮貌啲😌！特上雜錦魚生飯定食 $178一個價錢有前菜（燉蛋+唔知咩凍物）、主菜、甜品（咖啡或雪糕）。唔可以話依個價錢好抵，但以灣仔價黎講，好食又值得💗。前菜——燉蛋好滑，成杯都好滑，無一部分係蒸過龍。凍物，唔係好知咩黎，植物黎既😂。少少爽爽地，有得咬下啦🤟🏻。主菜——鮮！魚款多，連貝類都有，每一款都好食🥰。如果侍應可以介紹埋有咩魚就最好不過，我好似食完都唔知咩黎。只可講到好鮮、某啲好肥、某啲好爽、某啲有少少咬口😂。我不嬲都唔食玉子燒/壽司蛋，但估唔到可以好食到咁，好似係焦糖蛋咁滑，蛋既表面係脆架😍！自選雞扒烏冬定食（附加州卷）$138前菜個兩樣有齊，另外仲有加州卷😛。唔好睇好似得三粒仔咁，好食，裡面既料好平均。主菜——我唔知佢點整到塊雞扒咁好食，雞皮好似燒到焦糖化左咁，唔會好乾，同時又做到超級脆，最緊要係鎖到啲肉汁😍。真心出色！大家share咁搶黎
特上雜錦魚生飯定食 $178
一個價錢有前菜（燉蛋+唔知咩凍物）、主菜、甜品（咖啡或雪糕）。唔可以話依個價錢好抵，但以灣仔價黎講，好食又值得💗。
前菜——燉蛋好滑，成杯都好滑，無一部分係蒸過龍。凍物，唔係好知咩黎，植物黎既😂。少少爽爽地，有得咬下啦🤟🏻。
主菜——鮮！魚款多，連貝類都有，每一款都好食🥰。如果侍應可以介紹埋有咩魚就最好不過，我好似食完都唔知咩黎。只可講到好鮮、某啲好肥、某啲好爽、某啲有少少咬口😂。我不嬲都唔食玉子燒/壽司蛋，但估唔到可以好食到咁，好似係焦糖蛋咁滑，蛋既表面係脆架😍！
自選雞扒烏冬定食（附加州卷）$138
前菜個兩樣有齊，另外仲有加州卷😛。唔好睇好似得三粒仔咁，好食，裡面既料好平均。
主菜——我唔知佢點整到塊雞扒咁好食，雞皮好似燒到焦糖化左咁，唔會好乾，同時又做到超級脆，最緊要係鎖到啲肉汁😍。真心出色！大家share咁搶黎食，好彩好大塊好多件😂。烏冬好食，唔係平價垃圾烏冬。
甜品——我地全部人都揀左雪糕，有甜品收尾感覺真係好好😎，好食。值得一提啲熱茶，好濃好飲，濃到有少少咖啡味🤣。
埋單$348（包加一）
Post
