Video
Read full review
2013-01-09
6 views
呢間餐廳由上年十一月開業至今，我大大話話最少都去咗四、五次。食晏、食晚飯，都試過。上年十二月第一次去，覺得十分有驚喜，但係嗰時已經發現佢哋响安排座位方面幾冇彈性。我哋嗰次三個人去食晚飯，去到冇位，响門口等。中間有好幾張兩人枱走咗，接待嗰位日本人就起勢叫兩位o既食客入座，即我哋係60號'飛'先算啦，佢係咁放到八十幾號'飛'入去，都冇考慮過可以將兩張枱拍埋一齊 (嗰時分別有兩次機會可以做到呢個安排)，我哋有同佢講，佢都好似幾認同咁。最終都係等到一張4人枱走，佢先安排我哋入座。今次要寫呢篇openrice，主要係有見佢o既服務水準每況愈下，真係唔打唔得。上兩次去，我朋友問佢攞一杯全熱水，一位女侍應話:「冇全熱㗎喎。」我朋友就話:「我上前嚟，要熱水都冇問題。」呢位女侍應即刻面色一沉，氣沖沖咁去攞咗杯熱水，大大地力咁放响枱度。呢次，我都算。上個星期日晚再去食，又遇著同一位日本人接待我哋。今次我就兩個人去o既。我哋張'飛'係51號，登記嗰時叫到38號。大部分等繄o既食客都係兩位。好啦，咁我哋就企响庶等。一直嗌'飛'，嗌到四十八、九咁，有兩個攞44號飛呀、46號飛o既人返嚟，佢補返張枱佢哋，呢個唔係
今次要寫呢篇openrice，主要係有見佢o既服務水準每況愈下，真係唔打唔得。上兩次去，我朋友問佢攞一杯全熱水，一位女侍應話:「冇全熱㗎喎。」我朋友就話:「我上前嚟，要熱水都冇問題。」呢位女侍應即刻面色一沉，氣沖沖咁去攞咗杯熱水，大大地力咁放响枱度。呢次，我都算。
上個星期日晚再去食，又遇著同一位日本人接待我哋。今次我就兩個人去o既。我哋張'飛'係51號，登記嗰時叫到38號。大部分等繄o既食客都係兩位。好啦，咁我哋就企响庶等。一直嗌'飛'，嗌到四十八、九咁，有兩個攞44號飛呀、46號飛o既人返嚟，佢補返張枱佢哋，呢個唔係問題。一般嚟講，你遲咗，都要讓返兩、三張枱入去，先輪到佢哋，始終佢哋係遲咗吖。但係個日本人冇咁做，一有枱，佢就放咗佢哋入去，咁都算嘞。好啦，叫到50，下一張到我哋，呢一刻，一對手持41號'飛' o既食客出現，跟住日本人就叫佢等等，話next table。我聽到，就問佢，下一張係咪我，佢話next next。咁我話，點解? 佢話因為有其他人返咗嚟。我話，咁佢哋遲咗咁多返嚟，只要show返張'飛'就有位，咁個個都唔駛响庶等啦，攞咗張'飛'，周圍行吓，返屋企訓吓，遲一遲落嚟都即刻可以有位㗎喎。我話佢呢套system唔公平同有問題，個日本人好冇禮貌咁同我講:「我哋個system係咁。」激死我! 今時今日，點可以咁做生意㗎呢??
食物同飲品方面，的而且確，佢哋o既水準係非常唔錯。不過，如果佢哋o既服務態度仲係咁，我諗幾好食，我都唔再返去幫襯o架啦。
Other Info. :
另，我覺得間餐廳人手都頗短缺，唔知係咪因為咁攪到啲員工做到好忟。
(The above review is the personal opinion of a user which does not represent OpenRice's point of view.)
Post