定食 Doraya (厚福街)

Open Now

Now Closed

同事帶我去呢間日本餐廳晚飯，厚福街 H8 成座大廈都係食店，呢間我未來過，我哋放工下午六點半左右到，可能閒日同早，加上打風前夕，冇乜食客。同事話上次佢同朋友星期六來，好多人排哂隊。一開升降機門就見到舖頭，地方唔算太大，但環境都舒適乾淨。多數人都係食定食，佢最出名係藍鯨吞拿魚， 揀咗 ⇒ 特選海之辛壽司丼定食 $ 178，貪佢多唔同款嘅刺身。日本食物一定砌得好靚，好有賣相。😊Order 完好快上菜，份量唔算太大，啲刺身都新鮮，各款食物味道幾好。 侍應生都有禮貌， 大約七點幾，已經開始多食客到店，差不多坐滿。