船長意法日餐廳 (Closed)

呢條街有好多元朗出名的食肆，和女朋友行完廣場想食個下午茶就來到出名抵食的船長意法日餐廳。茶餐一是卡邦尼煙肉燴長通粉，份量和配料都很多，啱哂大胃王。飲品加$8要忌廉紅豆冰冰，紅豆煲得很淋，椰奶味香，是足料的紅豆冰。茶餐二是雪菜肉絲韓國湯麵，加$6轉做很久沒見過的芝士麵，麵條夠彈牙，幾特別的配搭。跟餐的西班牙奄列有很多腸仔和磨菇粒，配軟香多士一流。試了熱葡萄柚士蜜，比較甜，葡萄味幾突出。日式煎餃子🥟比拉麵店的水準更好，皮薄饀香，必食小吃。沖繩風胡麻手撕雞的手撕雞幾滑，而麻醬味濃郁，幾抵吃。白汁芝士焗西蘭花🥦，超大棵，白汁芝士又多，可以四人分享都有剩。蜜燒葡萄柚子雞翼甜甜蜜蜜，柚子味雞翼非常好吃。食物質素不差又大份，相對同區價錢真的很便宜，難怪那麼多人。