印度皇

Open Now

Now Closed

呢間樓上印度餐廳環境幾寬敞，無隔版的場景好似好耐無見過。餐廳菜單中英對照，有啲仲有圖參考，不過有選擇困難症既我睇完圖都諗左好耐食咩好，好多都好吸引呢。落單之後先送上例湯，無聽錯既話老闆話係南瓜湯，不過我飲落覺得幾重黑椒味，我鍾意。Pani Puri 炸米餅配薄荷汁 $88 第一次試呢個印度小食，炸米餅做成炸波波，入面有薯泥及炸麵碎（？），自己加紅色（味道有點甜，有點像海鮮醬）或綠色（有點辣）的醬汁，然後倒入薄荷汁，成個放入口，脆口爆汁的效果，有趣又好味。Lamb Shank Masala 瑪莎拉羊膝 $188兩大件羊膝，有鍚紙包住方便揸住食，肉質夠腍夠嫩，而瑪莎拉幾香，是混合印度香料的調味。食完肉仲有骨髓，不過我唔係啜到好多，食完上網睇見人地用飲筒啜，我徙左…Chicken Curry 原汁咖哩雞 $86Cheese Naan 芝士烤餅 $36黃咖哩有椰香味，雞肉大件嫩滑，配飯一流，不過今次只係叫左芝士烤餅。烤餅有少少煙韌，口感唔錯，加左芝士就咁食都正，配埋咖哩都好夾。Mango Lassi 芒果酸奶 $37Young Coconut 椰青 $42記得上次飲Lassi叫左少甜都係非常甜