老馮茶居 (荃灣千色匯II)

最早初期認識老馮茶居喺係元朗， 當時見到每次都好多人排隊等食， 荃灣開咗， 都想試吓，尋晚就去試吓。 去到門口已經見到提示， 繁忙時段餐飲一小時， 仲要係一次性落單， 即係你一次過叫晒， 唔好翻單。 最後4個人叫8樣嘢， 叫咗鳳爪排骨及魷魚仔肉餅蒸飯飯粒分明，底部唔油， 腸粉皮唔太厚， 燒賣唔會好多肥豬肉， 糯米雞就差啲， ， 鮮蝦腐皮卷夠熱唔會煎到好油， 小籠包皮就一般， 佢用紅醋， 個人喜歡落黑醋， 潮州粉果皮就厚少少， 餡料適中味道可以。食物大致可以， 但服務態度就差啲， 仲有想同朋友食飯傾吓坐吓就唔好， 呢間要快叫快食快走， 唔係佢會催你😔