E FOR EGG

Open Now

Now Closed

金沙軟殼蟹三文魚籽海鮮沙律盒子吐司 $108原件炸軟殼蟹放上吐司到，炸到脆卜卜，無軟殼蟹腥同雪味，值得一試。雙重三文魚芝士滑蛋盒子吐司 $88煙三文魚穩穩陣陣，無腥或者唔新鮮嘅味。只有好輕微嘅芝士味，份量比較適合女仔。烘到啱啱好唔會過乾仲好鬆軟嘅盒子吐司配芝士滑蛋同三文魚籽，滑蛋無過熟亦無出水狀況，再淋上蜜糖醬汁，都幾甜。旁邊沙律菜同炸蕃薯條伴碟，食得出有蕃薯甜，無炸到過火食到焦味。焦糖雞蛋布丁盒子吐司 $60最後再叫咗個甜品，等緊嘅時候聽到職員同其他客人講得返最後一個，所以如果太晏去食可能會已經賣曬食唔到哦～麵包仍然係個個烘過加咗蜜糖醬汁暖粒粒嘅厚麵包，但細size啲，但神奇地個布丁係凍嘅，一冷一熱幾有趣。焙茶鮮奶(凍) $41厚奶係面，打發得幾好，唔會好快同下面焙茶混合埋一齊，焙茶味都幾出，會飲到少少粉感。摩卡咖啡(凍) $46咖啡味都幾出，雖然有灑朱古力味，但都唔係好覺有朱古力味。