Video
Read full review
2019-08-23
237 views
呢間belon vin restaurant，睇個名好似係主打蠔同酒，原來樣樣野食都好出色！食到我地8個讚不絕口！講咗環境先，一入門口右邊已經見到放咗幾款是日推介嘅蠔，左手邊就係三部大電視，睇波氣氛一流。不過，今次因為我地有8個人，所！以！老闆留咗間partyroom俾我地房間有電視，有梳化，坐8個啱啱好（請原諒我果晚太興奮無影啲咩環境⋯）野食由朋友發板，而家同大家分享下。第一道凍盤：Shimonoseki & Gillardeau 生蠔配加洲海膽加油甘魚刺身非常新鮮！Shimonoseki蠔肥美而爽脆、Gillardeau則比較creamy濃郁，正！仲有三種口味嘅「假」魚子：蜜糖味、柚子味、白酒味。職員推介將魚子放係蠔上再一口食晒，本人覺得蜜糖味最得意，甜甜地帶出蠔鮮味。油甘魚刺身油份足夠，入口鮮味十足，非常適合襯白酒。海膽本人就麻麻，交晒俾其他朋友處理第二擊：惹味小食拼盤 & 芒果牛油果蟹肉他他左邊蘆筍煮得啱啱好！爽脆多汁，一啲渣都無。中間輕煎鵪𪂹脾，勁嫩勁多肉汁，醃料啱啱好，唔會太重手，師傅好手勢右邊聽老闆講係蝦子雞翼！secret menu先有，今次專登整俾我地試試。一試真係～
講咗環境先，一入門口右邊已經見到放咗幾款是日推介嘅蠔，左手邊就係三部大電視，睇波氣氛一流。不過，今次因為我地有8個人，所！以！老闆留咗間partyroom俾我地
房間有電視，有梳化，坐8個啱啱好（請原諒我果晚太興奮無影啲咩環境⋯）野食由朋友發板，而家同大家分享下。
第一道凍盤：Shimonoseki & Gillardeau 生蠔配加洲海膽加油甘魚刺身
2 views
0 likes
0 comments
非常新鮮！Shimonoseki蠔肥美而爽脆、Gillardeau則比較creamy濃郁，正！仲有三種口味嘅「假」魚子：蜜糖味、柚子味、白酒味。職員推介將魚子放係蠔上再一口食晒，本人覺得蜜糖味最得意，甜甜地帶出蠔鮮味。
油甘魚刺身油份足夠，入口鮮味十足，非常適合襯白酒。
海膽本人就麻麻，交晒俾其他朋友處理
第二擊：惹味小食拼盤 & 芒果牛油果蟹肉他他
4 views
0 likes
0 comments
3 views
0 likes
0 comments
左邊蘆筍煮得啱啱好！爽脆多汁，一啲渣都無。
中間輕煎鵪𪂹脾，勁嫩勁多肉汁，醃料啱啱好，唔會太重手，師傅好手勢
右邊聽老闆講係蝦子雞翼！secret menu先有，今次專登整俾我地試試。一試真係～！外皮脆、蝦子香、一咬開啲肉汁仲飛晒出嚟
第三round：西班牙焗包條 & 檸檬牛油煮蜆
3 views
0 likes
0 comments
2 views
0 likes
0 comments
Loaf脆卜卜，送酒一流，可以配埋佢佢地秘製魚乾（無打錯字，真係用小魚乾打碎！）醬食。
啲蜆好新鮮，簡簡單單配牛油炒一炒就好鮮甜。
主菜：鴨脾、乳豬、虎蝦意粉、東星斑、Rib-eye
1 views
0 likes
0 comments
1 views
0 likes
0 comments
2 views
0 likes
0 comments
3 views
0 likes
0 comments
叫咗五個主菜大家share，份量十足！肉眼同虎蝦意粉最驚喜肉眼扒厚身得嚟又稔，要再讚多次師傅手勢
不過乳豬啲膏就多咗少少，我男人老狗就唔怕，肉質又嫩，但同行嘅ladies就比較抗拒哈哈哈。
最最最最後：Sorbet & 心太軟
1 views
0 likes
0 comments
5 views
0 likes
0 comments
菠蘿&椰子sorbet 賣相非常吸引，食落好香，解滯一流。
朱古力因為本人麻麻地，所以不評論個心太軟
今餐非常滿足～飲飽食醉最開心嘅係餐廳職員個個都超好客哈哈哈哈，雖然我地間房係樓上，但啲同事都成日上嚟問啲野食嘅comment，又同我地傾計，成晚笑唔停！
下次唔食飯，都會同班friend嚟睇波輕鬆下！呢到環境服務無得輸
Post
