瀧

Open Now

Now Closed

今次同男朋友嚟咗呢間叫瀧嘅日本餐廳，都係OMAKASE嚟嘅，一入到嚟就有職員好好招呼，我哋坐咗係廚師前面，店舖職員介紹完餐牌之後我就決定叫「瀧」，男朋友就叫「極」。我坐嘅個個位有個好大嘅金爐，其實個個係要嚟炸天婦羅嘅，不過放心，坐個個位唔熱，亦都無油煙味。首先嚟STARTER，松葉蟹，裡面有海膽、蟹膏同昆布jelly，撈埋一齊食感覺好幸福呀~ 估唔到第一道菜已經咁好食！口感非常豐富，海膽味都好濃！之後前菜就有幾個唔同食材，分別係北海道白粟米、炸銀杏、明太子釀蝦、同埋榮螺。負責人同我哋講要順時針咁食。先食粟米，超甜！因為係生嘅，確保甜度都仲係到！銀杏炸完面頭灑上鹽～明太子釀蝦少少辣～榮螺啖啖肉呀，而且超甜！鮑魚清湯，真係好清架！鮑魚一啲都唔韌，最後仲食到啲柚子皮添！刺身拼盤，有拖羅、深海、赤龍，職員教我哋用蔥花同薑放落醬油到，另外一碟就要嚟落wasabi~ 個人最鐘意食拖羅！天婦羅，店舖嘅著名菜～每一款嘅炸粉都好薄，好香口，廚師會直接放係面前嘅碟到，自己再配上唔同嘅調味。最特別係大蜆天婦羅，好厚身又鮮甜嘅肉！主食部分係鰻魚為主題，鰻魚三食：鰻魚玉子、白燒鰻魚同蒲燒鰻魚。玉子個款自己就最鍾