Sopranos (Closed)

今年既情人節撞正係平日，於是就早少少慶祝，今次揀左入愉景灣，因為覺得呢度氣氛夠浪漫~~餐廳設有室內同室外座位，由於呢日天氣較凍，所以就揀左入室內坐。一入到去就覺得裏面既環境好舒適同寧靜，感覺溫暖、自在。呢度既客人同侍應都以外國人為主，加上全英文menu，增添一種西洋感。Drinks︰杯soda酸得黎好醒胃，啤酒就好大杯，差d飲唔晒Appetizer︰個ribs都幾大份，肉質同味道都唔錯，而且全部都骨肉分離，非常好。薯角好脆，加上茄汁就一流喇。不過沙律就無醬汁，乾左少少。Pizza︰熱辣辣，而且焗得好香脆。牛肉有少少辣，加上d腸鹹鹹地，配合得唔錯。想提醒一下大家，細批有8"，大批就有14"，好在侍應提下我地，如果唔係就揀左個大，到時實食唔晒。Pasta︰三文魚都有唔少，意粉唔太硬又唔太淋，加上蕃茄醬，好好味~~之前為左慶祝節日都特別揀左D比較高級既食府，價錢就高級，但食物就一般。今次兩個人先食左$400左右，味道又好好，物有所值，我同女朋友都好滿意。