德國餐廳 (博文街) (Closed)

今日同朋友行完奧海城之後就到晚飯時間啦。當我地都煩惱緊食咩好，就係網上見到附近依間食店。我地見佢榮獲2019新假期必吃食店大獎，人地講得好好咁，而且又係附近，就去食下啦。舖頭入面有吧檯同普通高度嘅檯比人簡。野飲我地幾個都係嗌酒類。我地分別嗌左兩杯啤酒同一杯白酒。另外，我地就嗌左三樣食物。分別係德國鹹豬手、德國腸同燒春雞。先上菜嘅係德國鹹豬手。身為德國餐廳，德國豬手係依間鋪頭必嗌嘅item。佢有兩個醬料，一個係芥末醬，一個係唔辣嘅醬。怕辣嘅人都可以有醬可以點。個德國鹹豬手本身已經切好，食落去熱辣辣，個皮都好脆卜卜，而且味道調配得啱啱好，實屬唔錯。之後上嘅係德國腸。依個菜冇咩特別，有幾種腸係入面。不過個擺碟好可愛，佢用左一條腸去包住其他腸。最後上嘅係燒春雞。佢個皮都燒得好脆，啲雞肉食落好嫩滑。食左啲雞肉先見到啲薯仔鋪係下面，係一個幾特別嘅擺法。我地有三個人，嗌左三樣主食，食得好飽。如果大家啲胃口係細啲嘅，係可以嗌少啲主食，費事食唔晒。