The Promenade餐廳

Open Now

Now Closed

我幫男朋友慶祝生日book左呢間酒店自助餐，入場後安排左我地坐最角落個位，亦係全場最差既位係大堂旋轉樓梯下面，出去拎嘢食好唔方便，睇唔到live band，服務員少會留意到呢個位。另一個敗筆位係冇暖氣，當日氣溫好低，我個位係最角落而且隔離就係玻璃，體感溫度同係街外冇乜分別，我係全程著住大褸食嘢，我隔離嗰枱入座冇幾耐都著返羽絨，行到去拎野食位有返人氣先feel到有溫度。氣溫太凍食嘢都冇得好好享受。。。首先我地提早左兩個月book位，而且標明係慶祝生日，竟然安排到我地坐啲個位置，令到我哋好掃興。另外保暖不足呢個問題都希望你哋可以好改善，天氣凍既時候好影響到人。講返食物方面，我覺得水準唔錯，比較好食既有小籠包，即包即蒸但成日冇哂，魚生都ok新鮮帶子大大粒；龍蝦湯；仲有花膠食；甜品雪糕種類好多。可惜因為上述既原因令我冇得好好享受美食。