Video
Read full review
2020-06-09
293 views
今日下晝嚟到旺角💛雞蛋屋呢間小店試吓佢嘅午餐！朋友叫咗一個台式滷肉飯 ($42) 同埋百香果多多 ($38)，我就叫咗牛肉湯烏冬 ($52) 同炸花枝丸 ($28)🌿和風牛肉湯烏冬 $52呢個烏冬用咗醬油湯底，味道不過不失！烏冬煙韌滑溜，肥牛份量都夠，但係口感有啲散碎，好似唔太新鮮。老闆對配料同烏冬嘅份量一啲都唔吝嗇，除咗牛肉同埋烏冬，仲有溫泉蛋、紫菜、粟米、魚片，夠哂飽肚！🌿 炸花枝丸 $28花枝丸賣相唔錯，表皮炸到金黃色。由於係即叫即炸，一咬落去除咗幾彈牙仲非常熱辣辣😛 入面有墨魚粒，味道幾鮮甜，點蛋黃醬一齊食，又會有另一番風味。不過價錢略貴，平均要$7一粒。🌿小結：雞蛋屋嘅食物味道唔錯，以午餐嚟講價錢可接受。餐廳有溫暖小屋嘅感覺，窩心舒服，食嘅除咗係味道，仲有對同路人嘅支持同鼓勵。相信呢度比其他黃店少人懲罰，所以大家經過都可以上嚟食個lunch，懲罰吓佢！
🌿和風牛肉湯烏冬 $52
呢個烏冬用咗醬油湯底，味道不過不失！烏冬煙韌滑溜，肥牛份量都夠，但係口感有啲散碎，好似唔太新鮮。老闆對配料同烏冬嘅份量一啲都唔吝嗇，除咗牛肉同埋烏冬，仲有溫泉蛋、紫菜、粟米、魚片，夠哂飽肚！
🌿 炸花枝丸 $28
花枝丸賣相唔錯，表皮炸到金黃色。由於係即叫即炸，一咬落去除咗幾彈牙仲非常熱辣辣😛 入面有墨魚粒，味道幾鮮甜，點蛋黃醬一齊食，又會有另一番風味。不過價錢略貴，平均要$7一粒。
炸花枝丸
$28
28 views
0 likes
0 comments
🌿小結：
雞蛋屋嘅食物味道唔錯，以午餐嚟講價錢可接受。餐廳有溫暖小屋嘅感覺，窩心舒服，食嘅除咗係味道，仲有對同路人嘅支持同鼓勵。相信呢度比其他黃店少人懲罰，所以大家經過都可以上嚟食個lunch，懲罰吓佢！
Post
