Video
Read full review
2008-08-15
13 views
今日同大秘書姐姐加韓深一心諗住食呢間大戶屋，所以一到12:30即刻嘭嘭聲碌去新新吉之島.....一去到已經一大堆人企晒喺門口，攞咗飛仔都係等咗三四個字，好開心。一打開本menu，嘩~花多眼亂.....不過我哋都五分鐘做咗決定....我哋叫咗3個set:1. 吉炸豬定食 - 首先會有一碗芝麻俾你自己磨碎(其實同Donichi一樣)，之後有漬物(青瓜)、麵豉湯、一大堆椰菜沙律、豬扒一份切成五件，份量ok。豬扒好鬆脆，比Donichi差少少，不過真係一至認為都好掂。2. 亞拉斯加產紅魚定食 - 又係有漬物(青瓜)、麵豉湯，不過多一個海澡漬物。個魚質地ok，不過好似冇咩味同好多骨，個人覺得麻麻。3. 豬柳拼雞定食 - 又係有漬物(青瓜)、麵豉湯、一大堆椰菜沙律，仲有一堆長通粉再多一個前菜(有蝦、辣椒一條、茄子、雞脾菇一大舊同蘿蔔蓉)。個前菜味道唔錯，雞扒好滑同好入味、豬柳我冇食，不過同行兩位都話好味同好腍，好正喎~~以上所有定食都白飯任裝，所以我哋三個人都叫咗成六碗，日本米都幾甜，好滿足!!食物總括都幾好....不過服務就.....話說我哋叫3個set一心係share嚟食，第一個到就係吉炸豬定
一打開本menu，嘩~花多眼亂.....不過我哋都五分鐘做咗決定....
我哋叫咗3個set:
1. 吉炸豬定食 - 首先會有一碗芝麻俾你自己磨碎(其實同Donichi一樣)，之後有漬物(青瓜)、麵豉湯、一大堆椰菜沙律、豬扒一份切成五件，份量ok。豬扒好鬆脆，比Donichi差少少，不過真係一至認為都好掂。
2. 亞拉斯加產紅魚定食 - 又係有漬物(青瓜)、麵豉湯，不過多一個海澡漬物。個魚質地ok，不過好似冇咩味同好多骨，個人覺得麻麻。
3. 豬柳拼雞定食 - 又係有漬物(青瓜)、麵豉湯、一大堆椰菜沙律，仲有一堆長通粉再多一個前菜(有蝦、辣椒一條、茄子、雞脾菇一大舊同蘿蔔蓉)。個前菜味道唔錯，雞扒好滑同好入味、豬柳我冇食，不過同行兩位都話好味同好腍，好正喎~~
以上所有定食都白飯任裝，所以我哋三個人都叫咗成六碗，日本米都幾甜，好滿足!!
食物總括都幾好....不過服務就.....話說我哋叫3個set一心係share嚟食，第一個到就係吉炸豬定食，五分鐘後就亞拉斯加產紅魚定食到埋，不過之後三個字之後個豬柳拼雞定食都仲未到，咁我就直接問同我哋落order個女待應問啦，點知佢答:我同你落個order一定有，嚟緊等多陣啦。之後見佢都冇幫我哋check order，咁算啦，之後過多一個字再問佢，佢大概都係答番同一樣嘢，之後我就問第二個女待應，見佢即刻同我check，再睇住佢一支箭咁衝咗入廚房，心知一定係漏order啦，再等多一個字仲未有聲氣，咁我就再問幫我check order個女待應係咪漏order啦，點知人哋都未答同我落order嗰個女待應就走過嚟反問我哋:你哋叫三個定食咩，唔係淨係呢兩個咋咩?嘩~咁咪即係冇同我哋落order啦...又冇禮貌，而且我哋三個大人，仲有其中一個係壯男，點會叫兩個定食呀，仲要佢好似好委屈咁，之後有個好似主任嘅人出嚟完場，又話係新人，所以唔好意思果啲啦。大概五分鐘之後，幫我check order個女待應就捧咗個定食嚟，相信係佢一支箭咁衝入廚房同我哋追加order嘅功勞，雖然好明顯係個別員工疏忽，不過相信佢哋要train-up吓啲唔掂嘅個別員工囉。
注* 是次計分因為服務關係所以降至OK
Post
