Le Monde

Open Now

Now Closed

經歷完日日ot既一月，我今個星期六終於唔使再返office👏🏻，而我今日同女友去左觀塘食個lunch放鬆下，最後試咗觀塘打工仔介紹既Le Monde。餐廳裝潢滲透出一絲絲工業風，而另一邊酒紅色嘅梳化突顯餐廳典雅嘅一面，正正符合多元化既Le Monde，餐牌上有多達十五款午餐選擇，包羅萬有。套餐加$15就可以轉濃蝦湯，旁邊係免費既蘋果沙律，一開始我以為係龍蝦湯🤣。估唔到鮮甜程度拍得住龍蝦湯，蝦味非常濃郁，口感細滑。- 慢煮法式紅酒燜牛頰肉配法包牛頰經過12小時既燜煮後肉質相當軟稔，而且好入味，連入面既蒜都好正。法包索曬醬汁既精華，如果可以任添法包就正😜！- 芝士焗龍蝦配菠菜忌廉意粉龍蝦加上芝士後原隻開邊焗，上面既芝士燒成金黃色，令人食指大動。龍蝦肉質爽口，味道惹味不失龍蝦鮮味。意粉份量多，軟硬度適中，唔會話煮得太稔，而每一啖意粉都掛到忌廉汁👍🏻餐廳食物質素同環境屬於中上，值得我再encore，下次試埋其他lunch set先。