韓兄弟燒烤

Open Now

Now Closed

早排終於訂到位去食，滿心期待，之前去完濟洲，完全掛住左海產既刺身，特別係海參。當日6點幾到，我地兩位，等左一陣就帶我地入去另一間房，唔係主鋪，當時個場都爆爆地，咁個同事就同我地講嗰邊無得燒烤，咁我地都無所謂，主要都係想食刺身，坐低左一陣，跟住就叫左個兩款魚刺身既套餐，不過當日得兩款魚，落單同事有同我地講既，都無問題，我最期待既都係嗰五小碟海產刺身，叫埋支啤酒飲下，無幾耐就黎左d前菜，小食，煎餅之類，跟住無幾耐就黎左的最期待既五小碟，不過個樣同我上網睇既唔同點解係兩款八爪魚刺身既？唔係鮑魚，海參，海菠蘿，海螺同八爪魚咩？之前等左一陣，終於好難得地再見到店員同事，就問佢點會係兩個八爪魚既？海參呢？佢諗左陣，就答我可能無貨掛，咁我心諗落單嗰陣你唔同我講既？我叫野既時侯都有問過係點叫法架？係咪有呢d野咁，算，無就係無，都無辦法，同埋我地早一日都有問過佢洗唔洗訂呢五小碟既野，佢話唔洗，黎到就有架啦，真係......。之後再想叫野，係完全好難先會見到店員一次，真一個都幾差既體驗，有時d鋪太紅，都係唔好去試，又旺又唔夠同事招呼，食物係好食既，不過就算我幾想再食海參刺身都唔會再去，無下次，完。