貳號冰室 (好運中心)

Open Now

Now Closed

是日繼續沙田早餐覓食，今日來左好運中心既貳號冰室；裝修格局好新淨，空間佈局同一般茶記差唔多。早餐選擇方面，都算豐富但價錢方面整體而言都偏小貴……或者可能主因係鋪頭位於好運中心啦，所以依個價錢叫做唔係好貴，依家屋邨茶記都係咁上下價錢。但係沙律、多士加個黑松露炒蛋要$48，就真係小貴。最後叫左個早餐A，轉米粉，加杯走甜凍OT，埋單$44大元。份量其實唔算多，但都填飽肚既，炒蛋都幾濕潤，唔會炒到好乾。白色湯種麵包，開頭我以為係饅頭😂但後來睇清楚原來係麵包，自問食唔出同一般麵包有咩分別😅唯一分別就係多左幾粒提子乾。整體而言小貴，份量唔算好大份，味道尚算可以。