潮苑餐廳 (Closed)

平日下午5點幾，去開香港仔，諗住求其搵間茶餐廳食下午茶，叫左一個常餐及乾炒牛河，常餐「羅宋湯餐肉蜆殼粉+奄列及多士」，無咩羅宋湯味，個奄列係成餐下午茶最食得落嘅，個多士好硬到個乾炒牛河，牛肉係我食過最難食嘅一間，個牛河賣相唔差，但係好難食。講返服務態度，啱啱落完單無耐，初頭想改嘢，等阿姐經過就同佢講左句：「唔該姐姐」都未講其他嘢，阿姐望都唔望，一句好唔客氣咁話：「等陣啦，落左單呀」我都未講咩事，可能我想加嘢呢… 一直等，等到阿姐同其他伙記傾閒計都唔理我雖然我知茶餐廳係咁上下，但都望下客人係咪有嘢要啦，下午茶時間又唔係忙，得三枱客，寧願傾計都唔顧下其他客人...