白鮨 (林肯大廈) (Closed)

好友在bakery搞左個bridal shower一齊整麵包, 之後幾個姊妹食晚飯傾吓婚禮當日嘅安排。整完麵包個個大包細包, 好在白鮨啲位好闊落, 我地4個人坐左個圓型梳化位, 梳化與梳化之間有好多位比我地放每人一大盒麵包同袋, 個安排真係perfect! 我地點左個sushi platter, 一上枱已經覺得好吸引、好新鮮 服務員送上碟壽司時仲提我地左手邊紅色嗰件係牛, 我覺得好細心, 因為真係好多人唔食牛。我揀左件魷魚壽司, 塊魷魚上放左一支多葉植物嘅折技, 望落好似藝術品咁靚。食落口有淡淡香味而唔會有草青味, 而且支折技好嫩, 可以同件壽司一齊放晒入口, 唔使吐返啲枝出黎, 都幾特別。碟豚肉生薑燒上枱時熱辣辣出晒煙, 好新鮮! 洋蔥同豚肉比例亦都啱啱好!呢個叫做温泉蛋雞肉串燒, 食時將個雞肉球沾落隻蛋度, 都幾好食、幾香, 不過我覺得隻蛋似生蛋多啲。海膽炒飯我係食唔到海膽, 但我啲朋友話有, 可能我掛住影相手腳慢左啦 不過其他海鮮料就好足, 落左啲美極落去炒, 又夠鑊氣, 幾好味 特別想讚啲服務員真係好貼心, 除左適時幫我地加茶外, 食到中途仲幫我地成杯茶收左換過一杯熱嘅！好