Video
Read full review
2023-03-29
1122 views
同老公行完donxx用晒d氣力, 咁岩見到牛氣火鍋放題, 決定入去補充氣力先~~等待座位篇: 正正撞岩晚飯時間, 門口已有十多人等位中, 拎完飛大約等四張枱 (香港食飯等位是常識吧), 店員主動向我地表示, 要等大約30分鐘左右, 可先選定套餐及湯底, 仲好貼心提供飲品飲住等待~~~(店員好貼心啊~)入座篇: 不用30分鐘可以入座啦~~店員可能見到我地大包細包又背囊又多野, 好細心咁安排四人卡位比我地放東西, 舒舒服服咁開餐, 其實我地都無要求要咩位置, 始終唔係訂枱, 一般都好難比到卡位坐, 不得不讚呢間餐廳店員真係好細心~ 讚~!! 開餐啦喂篇: 我地叫左安格斯海鮮餐, 牛肉好軟有肉汁, 雞肉嫩滑, 海鮮好鮮味, D蝦好彈牙啊, 仲有墨魚滑真心正, 只係豬肉有點乾, 佢地自家出品既手打烏冬勁好味, 好爽口啊~ 店員仲教我地點樣煮呢個烏冬係最岩最好味啊~ 另外自助餐區有丸類, 蔬菜, 餃子, 麵, 沙律, 熟食, 醬汁, 飲品, 甜品等食物, 種類都算多選擇, 仲有花茶同咖啡機, 最緊要係乾淨! 乾淨!! 乾淨!!! 呢樣好重要啊~ 出邊有D自助吧.....服務篇: 由等位開始到入座
等待座位篇:
正正撞岩晚飯時間, 門口已有十多人等位中, 拎完飛大約等四張枱 (香港食飯等位是常識吧), 店員主動向我地表示, 要等大約30分鐘左右, 可先選定套餐及湯底, 仲好貼心提供飲品飲住等待~~~(店員好貼心啊~)
入座篇:
不用30分鐘可以入座啦~~店員可能見到我地大包細包又背囊又多野, 好細心咁安排四人卡位比我地放東西, 舒舒服服咁開餐, 其實我地都無要求要咩位置, 始終唔係訂枱, 一般都好難比到卡位坐, 不得不讚呢間餐廳店員真係好細心~ 讚~!!
開餐啦喂篇:
我地叫左安格斯海鮮餐, 牛肉好軟有肉汁, 雞肉嫩滑, 海鮮好鮮味, D蝦好彈牙啊, 仲有墨魚滑真心正, 只係豬肉有點乾, 佢地自家出品既手打烏冬勁好味, 好爽口啊~ 店員仲教我地點樣煮呢個烏冬係最岩最好味啊~ 另外自助餐區有丸類, 蔬菜, 餃子, 麵, 沙律, 熟食, 醬汁, 飲品, 甜品等食物, 種類都算多選擇, 仲有花茶同咖啡機, 最緊要係乾淨! 乾淨!! 乾淨!!! 呢樣好重要啊~ 出邊有D自助吧.....
服務篇:
由等位開始到入座, 已經感受到店員既細心同貼心服務, 上菜同清枱既速度非常快, 見到肉類差不多食晒, 店員都會問需要加肉同海鮮嗎? 最好笑係我掉左隻筷子落地下, 店員聽聲就知道, 我手都未舉已經送上一對新筷子, 耳朵好靈敏啊~~~另外店員發現當時兩隻手都拎左野食, 仲想拎埋醬汁既我, 竟然主動幫我拎埋座位, 仲問有無其他需要幫忙, 真係服務之上~~
總結:
之前去過THE ONE牛氣, 亦去過佢地集團既烤肉店, 中菜等餐廳, 服務質素一向都好好, 不過荃灣烤肉店既食物同服務就有進步既空間, 而今次荃灣牛氣美中不足既係冷氣有點焗, 廁所有點遠(呢個應該係商場問題), 120分鐘時間其實不太足夠, 幸好店員見差不多關門, 比我地坐多一陣, 慢慢食埋甜品先埋單走~
今時今日可以得到貼心服務既餐廳已經買少見少, 一般都好似火燭鬼咁趕客走咁, 一係就懶得理, 話知你舉到手斷都扮睇唔到, 不過客人都要有客人既氣質, 當日都見到有位客人無訂位但要求一定要卡位, 等位高鋒時間就埋怨店員帶位慢等等, 其實有要求時比D禮貌問句, 但唔好老馮咁樣, 無耐性等位就買外賣返屋企食, 唔係下下投訴埋怨囉!!
Post