The Staff (Closed)

今日午飯嚟咗呢度食，本身見門口細細冇乜期望，但店員態度十分殷勤，一個人竟然比四人枱我，一坐低就主動介紹有乜嘢食，感覺良好。佢而家午市有半自助套餐，$58有餐湯、餐包、餐飲、沙律芝士腸仔火腿任拎，雖然選擇唔多，但絕對係有heart之作。芝士有兩三種，連blue cheese都有，salami十分好食，沙律菜都乾乾淨淨，抵讚👍正常食量來講，淨食沙律吧係唔夠飽嘅，所以我加咗$48叫多塊牛扒。本身 有啲驚塊牛扒會又薄又韌，一上菜意然有驚喜。牛扒係厚切，九成熟左右，食落去好稔，又有肉汁，絕對收貨。但餐廳都唔係冇缺點，餐湯比較普通，沙律吧成日冇晒又唔refill，我親眼見好幾個食客特登行出嚟，見冇菜又要返座位等，成件事感覺唔好，亦都令餐廳變得家庭式，唔專業。其實沙律吧咁細，有菜冇菜一眼睇晒，唔應該出現呢個問題，可能係因為全場得兩個侍應，有時見佢地做到踢晒腳。我建議餐廳一係分量放多啲，令到refill次數可以減少，又或者睇緊啲。總括來講，如果我再經過，會考慮再黎，但就唔會特登去。