功夫點心

Open Now

Now Closed

今日買外賣返華貴村同屋企人一齊食，蝦餃，腸粉，灌湯餃，春卷，魚餅都正常發揮。點知其中一份土魷肉餅飯食第一啖就已經有一陣酸醙味，聞就聞唔出，打電話去投訴，店員話佢哋今朝都賣左好多，無理由會係醙，懷疑我講大話。（語氣超級差，好似係我特登打去揾佢麻煩咁）店員叫我拎返去換，提議可唔可以補錢換第二樣點心，店員話唔可以，只會換返盒飯俾我，大佬呀你衣家係飯出問題，我唔會想拎到返屋企又出事，見過鬼都怕黑啦。對方話我可以即場食一啖試，大佬，衣家疫情你叫我咁樣做？同埋我唔明點解唔可以補錢換第二樣點心。總結，店員服務態度好差，其他食物質素平平，但盒飯試完第一啖，即刻吐返出嚟，無再食，因為係醙嘅。