牛摩+ (新都城中心二期) (Closed)

雖然天氣好熱, 但都無阻我同朋友打邊爐嘅興致, 就去咗牛摩試最近推出嘅美國安格斯牛頸脊海鮮90分鐘放題! 用餐當日時間尚早, 所以唔洗等候。餐廳多卡位又闊落, 出入都方便!主菜方面, 牛頸脊嘅油脂分布平均, 肉質鮮嫩, 入口仲有濃厚嘅牛香味, 啱晒鍾意食牛嘅朋友! 而我就鍾意帆立貝, 大隻鮮甜。套餐另有牛肩胛、牛板腱、黑豚、雞、羊、青口、魷魚仔嘅選擇。淨係食肉類海鮮都回本! 自助放題區方面, 前菜、沙律、丸、菜至甜品, 款式多, refill快。尤其鍾意花枝丸彈牙高質! 呢個套餐仲有另一賣點, 就係有多款炸物小食可以揀。即使個鍋未滾, 都可以食住等啦!