Oldish (Closed)

終於嚟到bookmark咗好耐既oldish，果然無令我失望，真係幾好食👍🏻最估唔到係野食既分量都算多，唔係又貴又少嗰啲。裝潢好復古，睇下餐廳側面既展品、影下相咁都唔錯。前面嗰個係我嗌既冬蔭公意粉，好好味，雖然冬蔭公味唔太出，但佢個調味係好特別，啲蝦又多又爽口，比我預期中既更好食，如果可以多番啲冬蔭公味既我會俾5星！其實食落姐係水牛城雞翼，酸酸辣辣咁🤣不過佢隻隻雞翼都醃得非常入味，肉質嫩滑，重點後真係啖啖肉，唔係瘦猛猛既雞翼，非常推介各位嗌嚟試下。