Video
Read full review
2007-08-22
37 views
自己就係呢間鋪附近返工既。有日悶悶地又想啤一啤，就走去試下喇。背景:日頭時間它係一間似係上海菜館食客飯既地方(炒鱔糊、炒三鮮、獅子頭、津白肉絲、回鍋肉)，晚上時間就變身成潮洲菜館...店內外環境，都冇乜特別好講，細街鋪一間。晚上店外主要靠街燈照明，店內只有5-6張圓桌椅(店外開到幾多張就唔計喇，全條街開晒都得)因為想"啤一啤"，特別行去門口位睇睇。咦，簡單到咁...滷水汁只係用個盤再加熱，其他野就...心諗：算喇，是旦食D 野算。見其他食客興高采烈地食呀食呀。好，就試下滷水鵝+粥。...出事鵝肉過實，滷水汁死實，加D 醋睇下...你會食到滷水汁+醋+肉；係完全分得清清楚楚。(唉，都知唔得，連果碗醋都唔香)粥，好感動...真係一碗粥。係一碗平平無奇既唔係潮洲粥既潮洲粥。題外話:當日同桌之人係一對拖友，食品方面係"大眼雞、大豆牙、魚肉菜湯"，打冷食個魚肉菜湯* 全店唯一一個所謂潮洲人就係那個打理食品既"師父"。其他伙計全部都係"上海人"。點解係上海人?因為午市時間都係佢地囉，而晚市既潮洲菜館時段既粥粉麵飯，都係一樣口味。如此，點可以接受到"發記菜館" 係潮洲菜館。天后琉璃街一帶想搵到好野食
有日悶悶地又想啤一啤，就走去試下喇。
背景:
日頭時間它係一間似係上海菜館食客飯既地方(炒鱔糊、炒三鮮、獅子頭、津白肉絲、回鍋肉)，晚上時間就變身成潮洲菜館...
店內外環境，都冇乜特別好講，細街鋪一間。晚上店外主要靠街燈照明，店內只有5-6張圓桌椅(店外開到幾多張就唔計喇，全條街開晒都得)
因為想"啤一啤"，特別行去門口位睇睇。咦，簡單到咁...滷水汁只係用個盤再加熱，其他野就...
心諗：算喇，是旦食D 野算。見其他食客興高采烈地食呀食呀。好，就試下滷水鵝+粥。
...出事
鵝肉過實，滷水汁死實，加D 醋睇下...你會食到滷水汁+醋+肉；係完全分得清清楚楚。(唉，都知唔得，連果碗醋都唔香)
粥，好感動...真係一碗粥。
係一碗平平無奇既唔係潮洲粥既潮洲粥。
題外話:
當日同桌之人係一對拖友，食品方面係"大眼雞、大豆牙、魚肉菜湯"，打冷食個魚肉菜湯
*
全店唯一一個所謂潮洲人就係那個打理食品既"師父"。其他伙計全部都係"上海人"。點解係上海人?因為午市時間都係佢地囉，而晚市既潮洲菜館時段既粥粉麵飯，都係一樣口味。
如此，點可以接受到"發記菜館" 係潮洲菜館。
天后琉璃街一帶想搵到好野食都係難。
有咁既唔係潮洲打冷既潮洲打冷，算係精神上既一種安慰。
離開而後更無奈：
臨離開店鋪時，再望望各食品...!!(一早見到隻鵝滷到深淺不一既一定唔入去)
回頭不禁會問發記菜館係好食既潮洲菜？
咁就真係對不起由細到大既潮洲街坊。
而自己真係從未食過如此潮洲菜既潮洲菜。
結論：(可能)
發記菜館潮洲菜，只係由一個潮洲人一手一腳做出黎既潮洲住家式既菜，再租借晚上發記菜館鋪面而作業。
如果該師父有如此能耐做出天后這一小區之美食，跟本日頭時間發記菜館就不用賣炒鱔糊、炒三鮮、獅子頭、津白肉絲、回鍋肉...這一類"潮洲菜"。
Post