新記冰室

Open Now

Now Closed

荃灣有好多好嘢食，果然名不虛傳，今晚嚟咗路德圍，咁啱俾我見到有間冰室，個人都幾鍾意食茶餐廳同冰室嘅食物，一來有懷舊感，二來啲嘢快靚正！食物價錢同出邊嘅冰室差唔多，但食物種類都幾多款。叫咗杯奶茶紅豆冰，佢嘅份量真係好大杯，跟餐都係加多$10 ，奶茶濃郁，紅豆好大粒，每一啖都充斥着紅豆蓉。叫咗一份雜扒飯配粟米汁，雜扒飯入邊有豬扒、雞扒、腸仔、火腿同埋兩隻太陽蛋，雞扒同豬扒好軟熟，煎得好香口，另外太陽蛋煎得好靚，蛋黃流入飯入邊食，好友罪惡感，另外個粟米汁真係冇得彈，佢個粟米汁又偏向少少芝士味，食入口又係好濃郁，配飯食一流。另外叫咗個芝士豬頸肉撈出前一丁，呢個係燒豬頸肉，入口好軟身，同埋味道好濃郁，都係一樣配左兩隻太陽蛋，出前一丁撈埋粟米汁同埋太陽蛋一齊食，超級好味。