Video
Read full review
2012-07-28
150 views
由於一星期前訂左位 一行13人 一早已經落左菜單 菜單上 話可以自行改菜式 其中想改一個為黃金蝦球 接電話果個係老闆娘 佢話唔可能突登為我地整的 所以改為佢推介的美極蝦而且佢話我地人多 安排間大房我地 (可足夠坐16人)原本訂了打麻雀 最後都無提供當晚 有朋友早到去拿位 點知我地間房俾左另一班人坐最後因為我地菜單有叫鮑魚 先有番間大房安排好唔掂 佢所講可以坐16人的大房 其實坐13人都已經超迫圓檯幾乎貼住牆~不過食物水準不錯 每人一罐汽水1 黨參杞子桂圓燉烏雞 (湯底好多料 又夠火喉) 2 家鄉釀豆腐 (d 豆腐入哂味 有胡椒味 好正 如果只係試個汁 就咸左少少) 3 避風塘抄蟹 (一d都唔辣 完全食唔出有避風塘感覺 不過d蟹好大隻 好似龍蝦咁大 又大碟) 4 美極蝦 (蝦身細, 味道一般)5 原隻鮑魚冬菇扣鵝掌 (每人一隻鮑魚 好甜呀 yummy)6 金銀蒜粉絲蒸元貝 (13人但只有12隻 原因又係俾錯左去隔離檯 要等左1小時多 先補到隻元貝俾我地) 味道都係一般7 客家鹽焗雞 (隔離檯突然要求要 所以將我地原先訂果隻俾左人 當係補償番人地之前坐錯檯 而要讓番俾我地既代價 完全係好
菜單上 話可以自行改菜式 其中想改一個為黃金蝦球
接電話果個係老闆娘 佢話唔可能突登為我地整的 所以改為佢推介的美極蝦
而且佢話我地人多 安排間大房我地 (可足夠坐16人)
原本訂了打麻雀 最後都無提供
當晚 有朋友早到去拿位 點知我地間房俾左另一班人坐
最後因為我地菜單有叫鮑魚 先有番間大房
安排好唔掂
佢所講可以坐16人的大房 其實坐13人都已經超迫
圓檯幾乎貼住牆~
不過食物水準不錯 每人一罐汽水
1 黨參杞子桂圓燉烏雞 (湯底好多料 又夠火喉)
2 家鄉釀豆腐 (d 豆腐入哂味 有胡椒味 好正 如果只係試個汁 就咸左少少)
3 避風塘抄蟹 (一d都唔辣 完全食唔出有避風塘感覺 不過d蟹好大隻 好似龍蝦咁大 又大碟)
4 美極蝦 (蝦身細, 味道一般)
5 原隻鮑魚冬菇扣鵝掌 (每人一隻鮑魚 好甜呀 yummy)
6 金銀蒜粉絲蒸元貝 (13人但只有12隻 原因又係俾錯左去隔離檯 要等左1小時多 先補到隻元貝俾我地) 味道都係一般
7 客家鹽焗雞 (隔離檯突然要求要 所以將我地原先訂果隻俾左人 當係補償番人地之前坐錯檯 而要讓番俾我地既代價 完全係好莫名其妙 員工安排入坐有問題 點解要客人自己承受番??? 後來老闆娘出來話叫我地改家鄉雞 我地問佢家鄉雞即係咩來 佢話有秘方唔講得 只講用5種配料 但我地最後都唔知佢到底係蒸 抄 煮 炸 難道係 KFC既家鄉雞? 不過無得揀都要局住要啦 點知最後 竟然上左條魚 根本唔起訂菜單內 然後只叫我地將就下 唔好要雞 改做魚 有d霸王硬上弓wor
8 瑤柱扒西蘭花 (西蘭花無味)9 瑤柱蛋白菜粒炒飯- (普通 不過不失的)
最後有壽包同湯丸送~
老闆娘問我地要唔要雞酒 話送俾我地 益我地既 不過由於我地太飽食唔落 所以唔要啦 不過佢語氣唔太好
意思好似係 有野送 你地都唔要 同埋話每人俾啖我地 手法好唔大方
埋單時 老闆娘走來問我地意見 食物得唔得
朋友話食物大致ok 避風塘抄蟹 一d都唔辣
老闆娘竟然屈我地訂檯時 有要求少辣 真係好冤枉啊~
之後我地話無要求過 佢仲話我地開始落單時原本無叫避風塘抄蟹
完全九唔答八 推卸責任 鬼話連篇 態度好唔得囉
環境尚算乾淨
不過我地食完蝦同蟹 都無濕紙巾 / 水/ 茶 洗手
碗碟無換過
如果只計價錢同食物呢 呢度都好抵食
但服務態度 尤其是老闆娘 真係要多多改算囉
Post
