樂廚私房菜 (Closed)

公司同事生日，訂左枱十個人去慶祝😆😆我地簡左家常喜慶餐 （每位$218）🍀廚師推薦原盅燉靚湯係杞子龍眼燉雞湯，好足料，正😋🍀美極蝦新鮮爽口，用美極豉油炒到好滋味😋🍀金沙煎焗生蠔好邪惡嘅一道餸，外面金黃鬆脆，咬開非常juicy，加埋生菜一齊食可以減輕罪惡感😂🍀清蒸游水海斑火候岩岩好，仲好鮮甜嫩滑👍🏻🍀金銀蒜粉絲蒸元貝好惹味，元貝又新鮮👍🏻🍀避風塘炒蟹一上枱已經勁香，勁多炸蒜！好鮮味😋，仲扑碎左啲殼，好方便我地食☺️🍀沙薑雞好少脂肪，咸咸香香好入味，雞肉嫩滑！🍀瑤柱扒時蔬好多瑤柱好足料！👏🏻🍀瑤柱蛋白菜粒炒飯炒到好乾身，粒粒分明，好食！🍀壽包慶祝生日點可以冇壽包 ☺️

第一次去覺得幾好食，諗住同班朋友再試。點知味道差左，再唔會有下次！覺得扇貝唔係好新鮮，避風塘炒蟹唔夠鑊氣。因為小店經營，需要一齊起菜，如果有朋友遲到變成有啲餸唔夠熱。

永遠不會幫襯這間私房菜，沒有禮貌！態度極差，尤是老闆！本身是生日飯局，結果嗌交收場！到達門口，老闆開門，因找不到訂枱的姓氏，被阻隔於門外企，詢問是否豐景大廈，答：「係」，再問是否樂廚，冇回應，被老闆話「你查清楚先」，及後容許入內打電話，即見到另一間客房，但預留姓氏也是不一樣的，入房內才發現是這對的房！老闆一直追住不斷駡⋯駡⋯駡⋯根本冇預訂人的姓氏，不是他的錯！一定要去道歉才擺休！又突然衝入房內繼續駡，又話佢老婆（即老闆娘）話佢唔啱，佢有咩唔啱！結果離開！永遠不會幫襯這間私房菜，沒有禮貌！食餐生日飯也要受到這樣的待遇，貼錢買難受

朋友介紹既私房菜,位於住宅入面,大廈客係好舊式好古老,但無阻我既食慾,同行10位朋友叫左個海鮮餐龍蝦上湯伊麵,我唔知隻龍蝦幾重,是頭婆話夠我地食咁咪信佢囉,咁又係夠食,肉質彈牙,火喉剛好。第二個係美極蝦,蝦質爽脆,唔咸,味道剛好避風塘炒蟹,新鮮又多肉,唔油膩,炸蒜超多好鮮味既鮑魚,蒸得岩岩好甩殼,肉質爽脆海星斑新鮮好味,鹽焗雞咸道剛好,雞肉又係蒸到岩岩好瑤柱西蘭花,瑤柱份量多,自己睇圖尾聲係炒飯,飯粒清楚,唔會一舊舊,好味!

i tried calling this place for a reservation and they just hung up on you. no need to bother. we went up to check it out and inquire . and she open the door and then wave her hand and close the door. the place looks very residential and not sure if you need to have a referral. 

我從來都冇寫過食評，今次真的是太好味太抵食。樣樣都好食、老闆娘好俾心機、仲好好人。見我話是為爸媽慶祝結婚週年紀念、又見是老人家不宜太夜，特意為我們開下午飯。食物方面：材料又新鮮又靚，肯定只有行家才能買到此等級的材料。烹調的心思和技巧、賣相等，真的不得了。連我這一向都不愛雞的人，竟然食了兩、三件鹽焗雞，便可見一斑。記得不要錯過這巧手。我之所以寫這食評，都是想多點人知，這餐廳才可以繼續經營，我們才可以繼續享受這既平又好味的美食😋。記得傳開去啊

今晚中同聚會一共10人, 朋友推薦這間私房菜；今晚我地訂左個8餸1湯1飯既套餐；先講份量, 我地3男7女而且都唔係細食既都要食剩打包；咁多樣餸最多條蒸班, 火喉蒸到剛剛好, 魚新鮮肉彈牙；金銀蒜粉絲蒸元貝, 好多時由於粒元貝一般, 所以就變左食粉絲蒜蓉, 但今次例外, 個重點番番去粒元貝到, 因為粒元貝好新鮮好鮮甜；古法客家蒸咸雞, 味道令我想起醉x樓, 雞是走地雞, 真係雞有雞香😂兼肉爽彈牙👍🏻；瑤柱蛋白菜粒炒飯, 個飯炒得夠乾身而且加左炸瑤柱係面令到成個飯真係色香味都齊👍🏻👍🏻； 不可不提個甜品炸芋丸, 皮夠薄不太甜, 嚼落有QQ感, 呢個甜品會是我再去的好大推動力😋

經過朋友介紹，今日慶祝媽咪生日，同屋企人黎到樂廚私房菜，聽講都好多人book枱，所以都一早book好左先。一入到去，第一感覺就覺得好有住家feel，環境清淨，我地7個人都俾左間房俾我地。上菜既時候已經差唔多8點，第一樣餸係燉湯，一人一盅，我同屋企人都覺得好好飲，而且味道岩岩好，真係夠曬健康。飲完湯冇耐已經上下一道菜，未擺上枱已經聞到好香，原來係美極蝦，好入味好新鮮！食完蝦就有得食蒸元貝，加埋粉絲一齊食，真係好爽口，不得不讚！等左一陣，就有得食避風糖炒蟹，呢個真係好香好吸引，極力推介，屋企人都讚不絕口👍最後我地仲留左啲蒜頭黎撈飯，一樣食得好美味！講開炒飯，樂廚既炒飯真係no.1，雖然我地到最後都食到飽飽地，但炒飯真係好香，而且佢真係一粒粒，又有蛋香味之後係煎焗生蠔，外表金黃色，睇落去已經覺得好脆，樓面仲教我地拎生菜包住食，原來真係好正架，生蠔好多汁！然後上左魚同雞，食落覺得好新鮮好juicy搖柱扒菜最後係上甜品，呢個炸香芋丸外表好脆，食落去係真係好脆架，而且入面既香芋流心都好好味，好鐘意食！今次同屋企人都食得好開心好滿足，樓面既服務態度好好，我地一家人都好滿意，下次一定會再黎！

第一次食私房菜，真的很失望，環境衛生條件差，空氣不流通有油味，味道較咸，店主純粹做套餐形式！食材唔夠新鮮，最慘條魚是死魚無魚味，鹽焗雞雪味很重，味道總祗是咸，不是正宗私房菜，內地人處理，模仿香港正宗私房菜，好似返內地食晚飯一樣，但價錢平食得你飽。

樂廚，我光顧左5次，今次，係隔左一年先去。點解去5次食私房菜，我唔喜歡煩，食過覺得唔會太差，就去，加上有間房，可以約朋友傾計，尖沙咀又近大家。我係第一次寫食評，有乜原因引發寫，係想分享下，俾大家知道一些事。。。今次，我同男朋友請兄弟姊妹食飯，大家聚會，樂廚岩岩我諗起的一個地方。食飯前，我以whatsapp 方式訂台，同何小姐一直溝通，講明今次係請客。前一日，我以whatsapp 同何小姐講人數有所更改，改為9位，我知當時已經好夜，我估都會冇人覆，點知系夜晚11點幾得到回覆，話可以，何小姐仲係第二日回覆我多一次:您好!溫馨提示：非常謝謝你預訂今晚10月9日，(星期日)9位，$238／位套餐的晚宴，甜品默認是香芋丸，謝謝支持!🙏🏻😊時間:約7pm我們只收現金，謝謝!提提你~樂廚地址：尖沙咀漆咸道南119C號豐景大廈，8樓C室（入口開在：柯士甸路 永業大廈對面 請按門鐘 請進）請通知相關朋友，謝謝支持!🙇😊樂廚／何小姐當天，當人齊時，開始食飯了，點知上的第一道湯上左十位，當時，我地覺得好奇怪，就資訊一位員工，距堅持講我地係訂左10位，之後我叫距問下個老板娘，姐係何小姐個家姐，距負責煮野食，

昨晚爸爸生日，一枱十二人，撰了一間私房菜，完全中伏，難食到不知怎形容，我第一次認真有必要寫一寫昨晚的心情！1. 燉翅 - d翅少到用筷子夾都夾唔到.2. 蒜茸蒸元貝 – 冇元貝, 迫我地食佢所謂叫聖子王, 得個殼大係冇乜肉, 又蒸到un晒.3. 龍蝦 – 隻龍蝦只係大個手掌多dd, 龍蝦肉少到一人得一舊, 佢仲話我地12人係得1人1件, 話隻龍蝦好大隻可以斬到16件, 但佢係斬左16件大個擦子膠少少既size, 但佢地會用一大碟伊麵底填飽我地個肚.4. 星斑 – 魚的確係大條, 佢仲稱讚自己蒸魚係最叻, 可惜魚冇魚味蒸到有幾叻都冇用.5. 原隻鮑魚冬姑扣鵝掌 - 鮑魚冇味, 冬姑冇味, 鵝掌冇味仲要係硬身6. XO醬炒象拔蚌 - 訂位時已經講明不要用XO醬炒因要走辣, 來到都係加左XO醬炒, 同佢地講佢地話冇加辣丫只係用XO醬炒之麻, 我咪同佢講XO醬咪係辣個囉, 真係吹佢唔脹 7. 客家糯米酒煮雞 – 尼個都算係佢地名菜, 老抽加色酒煮雞, 雞肉鞋個煲湯渣, 同佢反映, 佢仲能夠理直氣壯講”雞煮過一定係鞋果喎, 唔係你想用咩雞?”, 我果刻真係O左咀唔識回答佢. 最後成個酒雞係冇

公司有一位同事辭職, 大家一齊共事左8年,於是我地幫她搞歡送會,其中一位媽媽級同事介紹左大家一齊去<樂廚>食私房菜,地點都算容易搵~我地岩岩好12個人一圍,去到留左一間房俾我地, 仲有電視提供,好開心!<原盅燉湯>每人一盅, 打開蓋已經聞到香味呢晚的係杞子龍眼燉雞湯, 清香滋潤,我連埋湯渣都食晒!<美極蝦>蝦肉尚算新鮮,用左美極汁炒好惹味~<金銀蒜粉絲蒸元貝>元貝又大又新鮮<金沙煎焗生蠔>外殼金黃香脆, 生蠔多汁但麵粉比較厚, 如果薄身d仲好<沙薑雞>變左<盬焗雞>係冇通知的情況下改左菜式,初初仲以為我地味覺有問題雞肉煮得太老了<避風塘炒蟹> 我的最愛份量十足, 有4隻蟹微微香辣惹味, 蟹肉新鮮<清蒸游水海斑>相比起雞,魚的時間控制得啱啱好,魚鮮肉嫩<瑤柱扒時菜>瑤柱足料, 西蘭花爽口<蛋白瑤柱炒飯>少油少鹽, 健康路線,但飯就有少少偏硬是晚甜品<紅棗薑湯湯丸>,小丸子沒有餡料, 但好軟糯煙韌,飲

由朋友介紹, 訂佐位係樂廚食飯. 7位, 竟然留佐房俾我地! 訂佐7PM, 結果有朋友通知差唔多8PM先到, 我地有人等唔及,想食住少少野先,于是問樓面有冇野可以上佐先?樓面話可以上佐部分湯先. 到齊人再通知佢出其他餸.燉湯: 每位一盅, 一打開蓋, 一陣熱氣流飄佐出來,湯料占了一半, 湯清香滋潤, 連埋湯渣吃完, 已半飽了.呢個時候我地一班朋友仔係房內大聲講大聲笑, 感覺非常好!傾傾下, 好快最後一個朋友仔來到. 于是我地通知樓面可以上菜了.預留俾朋友仔的燉湯跟隨也上佐, 而湯依然係熱辣辣的, 呢點超讚!朋友果然冇介紹錯! 避風塘炒蟹: 微微辣, 香口惹味. 好正!朋友話蒜茸好正要留起!(後話:原來蟹仲可以要求走辣)美極蝦: 爽口彈牙,個人認為咸少少會更好味.金銀蒜粉絲蒸元貝:. 元貝好大隻,大路煮法, 好難失手.OK!金沙煎焗生蠔: 金黃的外殼香脆, 包住多汁的生蠔, 正!清蒸海斑: 時間控制得啱啱好. 魚鮮,嫩滑.鷄:特色客家糯米酒煮鷄,必試! 聽個名, 仲以為有糯米一齊煮. 原來係甜甜的鷄酒,酒精濃度大約有8度.對唔係好識飲酒既我哋嚟講算OK. 老板係客家人, 佢話冬天最啱食鷄

又係同一班好姊妹聚舊食慶生飯嘅時候， 其中一個姊妹誠意推介食樂廚， 話好難book, 所以早成個月已經book哂枱等食呢餐。經商廈門口上樓上，一入門口見餐廳裝修簡潔，真係有啲住家feel。入到房，有電視睇，好彩有部電視，唔係呢餐飯啲時間都幾難過，因為食咗4個鐘， 7點食到11點，唉。。。。。講返啲餸菜， 老實講，除咗個避風塘炒蟹叫好啲，夠味夠香之外，其他真係好家常。 個燉湯還可以，有味但生肉煲完嘅血塊渣太多，有礙官感！美極蝦冇色冇味， 唔合格！扇貝好一般， 好彩有返咁上下大隻！ 條魚好細條，而且仲有泥味同腥味，所以冇咩食過！隻沙薑雞冇沙薑味，似返蒸一樣，連誠意推介嘅姊妹都話唔ok! 金沙蠔應該係黃金蝦嘅變奏，但呢隻蠔一啲咸蛋黃味都冇，唔通就咁用蛋黃嚟做？個炒飯同糖水都俾好普通，不提也罷，但反而佢請我哋食嘅炸蕃薯丸有驚喜， 所以仲想去試嘅朋友可以試下叫呢個甜點！溫馨提示，嚟呢度食真係需要同啲好熟同好多話題嘅朋友嚟食，因為真係要食好耐！

五十多年以來最難食終於在昨晚這騙人的私房餐廳吃到，真佩服主人家可以拿出來。已不再新鮮的魚比任何市場內數元可買到的魚難吃, 魚眼已陷, 主持人還辨稱是從澳洲來的活魚, 真佩服她的勇氣. 十道菜共等了三小時。唯一可吃是蛋白炒反。每人食了388元。12人共四千多元. 這次吃了之後令本人以後再不敢考慮嘗試私房菜. 果然回味。