Black Bear

Open Now

Now Closed

Lunch time同同事經過，見到開左間新野，裝修幾精緻幾吸引了，決定入去試試。我叫左個煙三文魚沙律同斑蘭凍飲，同事分別叫左虎蝦扁意粉，豚肉生薑燒定食。我個沙律菜材料幾豐富，有煙三文魚，牛油果，車厘茄，味道好夾好食，食完一碟都幾飽肚。我同事個虎蝦扁意粉d虎蝦幾大隻，我試咗隻好彈牙，熱d仲好呀，價位都ok，味道都唔錯，整體好好食。豚肉生薑燒定食88蚊有配菜有湯，配菜一睇就知日本野，日式超市買唔平，同事話豚肉煮得好入味，d汁連飯食好食。依杯斑斕凍飲好清香，好飲呀，值得一試。總體黎講，打卡靚靚，食物味道幾好，價錢同出面cafe比也不算貴，下次要試甜品，隔離枱食緊雪糕好正咁。