Circle M (Closed)

已經第三次嚟呢間cafe🥰 第一次同朋友機緣巧合下搵到呢間黃店，一入到去已經覺得環境好舒服、裝飾好靚，睇得出店主好有心機佈置個地方，可以俾人好chill咁食飯吹水。食物方面，老闆親自下廚，每樣食物都即叫即煮，但上菜嘅時間就可能會耐少少。今次我哋兩個人叫咗個卡邦尼意粉同埋香煎北海道帶子配蟹子忌廉意粉，兩個意粉啲汁都好creamy，濃得嚟又唔會好漏喎。重點係想講嗰兩個甜品⋯⋯叫咗佢哋最近新出嘅玫瑰朱古力waffle，之前都冇乜見過有呢個口味，好有驚喜！本身個waffle都好好味，外脆內軟，一啲都唔會好似出面有啲waffle咁比較乾同硬。個醬有淡淡嘅玫瑰香味，配上少量玫瑰花瓣同朱古力醬，口感豐富有層次😋😋見佢個waffle咁出色，我哋再叫咗個心太軟試下。出面食嘅心太軟通常外層比較厚，內層嘅流心朱古力就少啲，而呢度嘅心太軟外層係我食過嘅最薄，裏面嘅爆醬朱古力唔會好甜，似係黑朱古力咁，比較香濃，帶少少苦苦地嘅味，我男朋友好like!! 另外有配一球海鹽雪糕，隻藍色好靚，第一啖食落去鹹鹹地好得意，再食就食到好重奶味🤤老闆同老闆娘都好好人好熱情，好有人情味嘅cafe🥰 我同男朋友hea下吹下水，最尾