紅番茄餐廳 (Closed)

男友媽咪買左團購，兩張168蚊二人餐。一個團購包括一個前菜，兩個主菜，甜品，另外餐湯餐飲任飲。餐湯紅湯: 茄膏味好濃，唔似羅宋湯，uncle,auntie話唔好飲白湯:係粟米忌廉湯，幾濃忌廉味，粟米好食!但略為咸左少少前菜:薯仔沙律伴多春魚:多春魚炸得好香口，而且岩岩炸起熱辣辣架!薯仔沙律好食，沙律醬唔係過多，岩岩好!仲有有水果做料!三文魚伴羊扒:預計到佢應該會煎得較熟所以叫左五成熟，最後黎到果然有七成熟以上。羊扒雖然只有一件，但好大件，而且有一定既厚度，食落啖啖肉，蘇味唔多，肉質嫰滑，抵食!三文魚反而好薄身，但面積好大，煎得全熟，香脆。豬手:好大隻啊!豬肉好滑好淋，個皮脆脆有蜜糖味。值得一讚係唔太咸!焗海鮮飯:好多料好食啊!有帶子，蟹柳，青口等等既海鮮係面，啲飯應該炒過好香黑松露炒飯:有黑松露醬味，但亦都有陣“現”菜味，好奇怪啊!最後淨左大半碟無人食...甜品係每人一球青綠色既哈蜜瓜味雪糕，好香好甜。環境不錯的，感覺好乾淨!服務真係令人咋舌!某女侍應當眾鬧其他侍應同該經理唔識做野。大家都明白打工仔怒氣多亦情有可願，但應該內部自己處理，而唔係搵客人做觀眾! 而且該女侍應由於情緒處於憤怒