E FOR EGG

Open Now

Now Closed

呢日約左朋友係大圍個體育館打波，打波前就約左食晚餐，朋友揀左呢間食。我點左芝士吉列大蝦定食，裡面有2隻大蝦，配菜有泡菜，沙律菜，白飯有好多飯素。擺盤幾靚，好打卡able。吉列大蝦炸得好脆，同芝士好夾。飯素令個白飯加左D味，但我覺得女仔可以叫少飯正常飯量食哂真係都幾飽下。我地仲叫左小食拼盤，有芝士年糕同炸雞軟骨，呢個味道正常嘅，但我覺得唔抵食，芝士年糕係一開二，擺到四舊出黎，但實際上得兩舊最後食完，朋友仲想試下佢個手工蛋糕甜品，咁個日我地就要左芋泥肉鬆mochi盒子蛋糕。呢個其實幾好食，但係個價錢真係唔抵，好細份，食兩啖就無，但要$50，所以我認為呢個唔食都無所謂。飲品方面，我點左竹炭黑芝麻鮮奶(熱)，個拉花好靚，然後個味道好重黑芝麻味，我覺得幾好飲。Overall我覺得佢個定食係抵食嘅，我個人會recommend食佢個定食。