韓牛韓式燒烤 (Closed)

閑日約朋友收工食嘢，最緊要就腳。所以今次就黎左呢間位於旺角創興廣場既韓牛韓式燒烤。間鋪頭唔窄，但好不幸我哋格離枱食客特別大份，出入都要就住就住。放低野之後就當然睇下有乜食先啦。佢除左一般既燒烤食物，仲有啲刺身同壽司，亦有唔少炸物。由於時間有限，我地首先就拎左啲五花腩，和牛粒&肥牛個啲肉類黎燒住先。佢啲肉都幾新鮮，食得到唔同肉既鮮味。啲海鮮同刺身不過不失，壽司唔錯，幾好食。甜品就試左呢款沖繩海鹽味雪糕，鹹鹹地唔會太甜，忍唔住食左兩杯。