慢煮屋 (Moved) New Location

兩個人去食嗌咗個海鮮拌麵同芝士鳥肉爆丼。上餐嗰時，個樣望落去係真心唔錯，但味道一言難盡🥶先講講海鮮拌麵，個味好寡。將佢個汁倒曬入去，個麵都無乜味。個拌麵完全唔會有佢應有的香味同味道，而本身醬汁就已經冇咩味，個汁亦都唔掛麵😓啲海鮮就普普通通，冇好食得去邊。個芝士鳥肉丼飯，啲芝士同雞肉的味道好唔夾，成個飯感覺都有有種焦焦的苦味🥲主食有配一個是日例湯，同樣都極為清淡。題外話，當時平日下午茶時間，全場得兩三枱客，落單的遮遮冇戴好口罩，落單同處理樓面工作一直只戴到下巴。總結呢餐飯起屋企自己隨便煮，仲好食過佢。餐飯得罐可樂好飲😀個賣相好用心，但若果味道更用心比較好。