Video
Read full review
2016-08-18
250 views
中意同朋友搵野食既我都幾中意發掘小店，小店既出品通常都無咁單一，有D新意，而且遇上有Heart既小店仲會令人覺得好窩心同有驚喜，好似呢間係觀塘工廈入面既西餐廳就真係令我同朋友個晚食得開心又滿足啦！觀塘出哂名多工廈Café，呢間係王子大廈入面既café係地理位置上算好方便，一出觀塘地鐵站B出口直行到巧明街右轉就到，易搵之餘行五分鐘都唔洗，岩哂好似我呢D懶鬼。我同朋友睇完Menu真係心思思好多樣野都想嗌，但又好怕會眼闊肚窄，最後我地兩個女人叫左兩個主菜同兩個甜品share黎食。龍貓朱古力 (薄荷) $36 or 跟餐 +20見到有呢款期限供應既龍貓朱古力，係星期一至六既2:30-9:30pm供應，咁岩我地去食飯個陣可以叫，我呢個龍貓Fans諗都唔洗諗就決定要叫返杯黎飲！實物同Menu上面張相一樣可愛到爆！影相打卡一流，我影左勁多張先肯收手！呢款朱古力有薄荷或者焦糖口味可以揀， 唔想太甜，加上係Waiter推介之下就揀左薄荷味。本身我雖然唔太好薄荷，但呢款朱古力既薄荷好自然，唔會太搶太攻鼻，而且朱古力味都夠濃郁，飲落好舒服！軟殼蟹南瓜汁扁意粉 $118炸軟殼蟹原隻上碟，配合黃金色既南瓜汁意粉
小店既出品通常都無咁單一，有D新意，
而且遇上有Heart既小店仲會令人覺得好窩心同有驚喜，
好似呢間係觀塘工廈入面既西餐廳就真係令我同朋友個晚食得開心又滿足啦！
觀塘出哂名多工廈Café，呢間係王子大廈入面既café係地理位置上算好方便，
一出觀塘地鐵站B出口直行到巧明街右轉就到，
易搵之餘行五分鐘都唔洗，岩哂好似我呢D懶鬼。
我同朋友睇完Menu真係心思思好多樣野都想嗌，
但又好怕會眼闊肚窄，
最後我地兩個女人叫左兩個主菜同兩個甜品share黎食。
龍貓朱古力 (薄荷)
$20
17 views
0 likes
0 comments
見到有呢款期限供應既龍貓朱古力，
係星期一至六既2:30-9:30pm供應，咁岩我地去食飯個陣可以叫，
我呢個龍貓Fans諗都唔洗諗就決定要叫返杯黎飲！
實物同Menu上面張相一樣可愛到爆！
影相打卡一流，我影左勁多張先肯收手！
呢款朱古力有薄荷或者焦糖口味可以揀， 唔想太甜，加上係Waiter推介之下就揀左薄荷味。
本身我雖然唔太好薄荷，但呢款朱古力既薄荷好自然，唔會太搶太攻鼻，
而且朱古力味都夠濃郁，飲落好舒服！
軟殼蟹南瓜汁扁意粉
$118
23 views
0 likes
0 comments
炸軟殼蟹原隻上碟，配合黃金色既南瓜汁意粉同粒粒蟹籽，賣相超靚超吸引啊！
軟殼蟹酥脆香口，香濃既南瓜汁掛滿每條意粉，味道微甜唔膩滯！
而且又可以將蟹籽同意粉撈勻，食意粉個陣就可以食到蟹籽爆開既脆卜卜口感，
層次就更加豐富啦！另外仲加入左少量甜椒絲同沙律菜一齊煮，
全部食材味道夾得好好唔會怪，感覺仲幾清新健康！
因為好肚餓既關係，我同朋友唔洗三兩下手勢就已經瓜分左成碟意粉啦！
法式燒春雞
$175
18 views
0 likes
0 comments
即叫即燒既燒春雞要等20-30分鐘，
當我地就黎食完碟意粉個陣佢就上枱啦！
而個時我同朋友都嚇左一跳！
因為本身我地大家都以為得半隻雞，
點知原來係成隻黎架！好彩揀左跟薯菜，
如果跟意粉或飯既話就肯定會做大哂鬼啦！
不過呢隻燒春雞真係好有水準，外皮全部燒至乾身香脆，
而入面既雞肉係仍然好嫩滑，可見廚師係火候控制上做得好好。
最抵讚既係佢可以做到一D都唔油，食多D都唔會覺得肥膩，
再點埋配製既醬汁真係十分滋味！雖然好好味，
但因為呢個主菜既Size真係好大，
加上已經食左成碟意粉落肚，又要留返D位食甜品，
我同朋友最後都淨左1/4無食浪費左少少。
大家叫呢款主菜個陣真係要量力而為，唔好叫太多其他野食啊！
盆栽奶凍
$26
18 views
0 likes
0 comments
呢款奶凍可以揀甜心(士多啤梨果醬)或盆栽(Oreo餅碎)，
用玻璃小樽裝住，係Oero餅碎上插左一片薄荷葉，好似真盆栽咁好可愛！
廚師仲係碟上用朱古力寫上餐廳名，賣相簡單而美觀！
盆栽奶凍
$26
15 views
0 likes
0 comments
無左我想像中奶凍個種軟滑Creamy既口感，
奶味亦偏淡，不過連埋甜脆既Oero餅碎食會好D。
火山熔岩蛋糕
$52
32 views
0 likes
0 comments
上網見到都有好多人叫呢款，我地當然都唔執輸要叫返個試下啦！
其實熔岩蛋糕就啫係心太軟，Menu上寫明要等15-20分鐘，
所以我地食完個奶凍傾下計就岩岩好可以食呢個新鮮熱辣出爐既心太軟啦！
佢Size唔算太大個，岩哂好似我呢D食完主菜已經好飽但又想食個甜品滿足下口慾既人。
火山熔岩蛋糕
$52
36 views
0 likes
0 comments
睇見都好吸引，仲聞到有陣陣朱古力香！
心太軟蛋糕幾濕潤，再配合岩漿，朱古力味道非常濃郁，
蛋糕上既幾粒綿花糖個人唔中意加埋一齊食，會令甜上加甜。
反而連埋冰凍既雲呢嗱雪糕食會有一熱一冷既效果，有中和既作用呢！
總括黎講食物味道都唔錯，我個人特別欣賞佢地係菜式賣相上有花心思去做出特別既外觀，
帶埋客人驚喜同小歡悅！而且呢間Café面積好大，座位都好闊落，
裝潢都幾有格調，好岩同一大班朋友黎食飯聚會！
希望可以快D再有機會黎食！
Post
