妹記大排檔

Open Now

Now Closed

我地5位 入呢間野試一試 妹記的午餐啦，出餐速度就妹快，大概5 分鐘 就到，但係就出錯哂。原本嗌左個快餐 4 ，點知黎錯左另一個餐（豉椒鮮魷飯）。之後叫個啊叔換返岩既餐比我地。個啊叔就拎左張單去改啦。後來我地先發覺張單無改到，而係加多左個餐。姐係計多咗我地一個餐錢。當我地返去間舖同佢追討時，收銀啊姐態度極差，一直唔認佢地自己出錯，但我地有證有據，張單白紙黑字寫到明計多左一個餐錢，如果我地無理取鬧，我地5 個人 嗌左 5 個餐，正常會跟 5 杯 野飲啦。咁點解 第 6個餐會係 野飲呢。加上 佢地無話收左錢，我地 話check 返 CCTV。佢地就無聲出就轉移其他問題度。咁好明顯係心有「屎 」啦。依家唔係錢嘅問題，係原則問題。就算 有冇錯都好 係唔係應該以客為主，以服務態度為根呢。一間好既餐廳，野食味顧言之係重要，但服務態度道亦都重要啊。若果味道好，服務態度差會令到客人對整間餐廳的評價。所以兩者正正成為好既食市稱譽。最後呢間妹記大排檔總評分係 1分 都無。原本野食味道一般般，服務態度差到影響整體性。