泉章居

Open Now

Now Closed

尋日新年第一日開工，同一大班同事嚟食lunch，今次係我地第一次嚟。我地一圍枱，叫左小菜同埋幾個白飯。食物質素好一般，雞好味，但其他小菜太鹹，唔算好差但絕對唔講得上好。我地落單後二十分鐘，叫左嘅小菜都嚟晒，但幾碗白飯仍然未到。我第一次問待應阿姐，阿姐都幾好人話會幫我跟，但阿姐太忙上完菜執完枱後轉頭唔記得咗。再過十分鐘，我又問另一個待應阿叔，阿叔問完我幾多個白飯就走咗。又再過十分鐘，我地枱面嘅餸都食得七七八八，果幾碗白飯都仲未到，搵到個經理問。我問經理白飯都只係裝出嚟，點解叫左40分鐘都未到。經理串我：「唉呀無辦法啦，我地d伙記好忙㗎，要忙住同客傾偈，無人得閒幫你地裝飯，無辦法啦」我都知新年好旺好忙，我地無俾利是服務係差D，但都唔係咁樣同個客講，擺明唔俾利是就連白飯都唔俾你，真係唔怪得過年期間附近所有酒樓都full晒但佢仲有位。