Video
Read full review
2019-10-14
1575 views
為食花太郎 <旺角特色中菜>😍因為老板生日既關係 成班同事 book 左幾圍同佢食呢個康得思酒店8 樓既 宴會廳 . 呢層係啱中小聚會 我地留左放到幾張大枱既山東廳 上年食過佢既晚市鵝肝牛柳粒好正 今日就試下佢個午餐👍🏻其實整體食物都正 不過請番黎嗰 d炒散 質素麻麻 有倒瀉野既情況 希望酒店會留意😅🍴明閣三小碟 五香燒腩肉🐷麻油海蜇😁松茸金菇蟲草花🌿燒腩係燒得夠香 夠脆 但未到有五層肉 驟眼睇同咬落去都係三層肉 不過肉質已十分唔錯 , 麻辣海蜇 一 d都唔辣 但夠凍同爽口👍🏻 最後嗰 d金菇 蟲草花同松茸 合埋一齊 三樣野都係爽口 咬落又帶 d松茸特有既藥材香味 😁 夠特別 又有層次感🍴點心拼盤 脆肉瓜帶子餃 🥟 餃皮偏厚 入面既脆肉瓜 juicy 新鮮 帶子切得大細適中 冇乜落鹽 純綷食番佢既鮮味 👍🏻莧菜星班餃 餃皮都係偏厚 星班放喺餃上面 蒸得剛熟值得一讚🐟而上素羊肚菌春卷 春卷皮個人覺得厚左 d . 夠哂香脆 咬開熱辣辣 羊肚菌散發住獨特既香味 🍄加埋 d素菜既口感 唔錯🍴海鮮焗釀響螺 🐚用個響螺殼 釀 d海鮮入去 . 入面其實大部分都係類似米糕 帶 d
<旺角特色中菜>😍
因為老板生日既關係 成班同事 book 左幾圍同佢食呢個康得思酒店8 樓既 宴會廳 . 呢層係啱中小聚會 我地留左放到幾張大枱既山東廳 上年食過佢既晚市鵝肝牛柳粒好正 今日就試下佢個午餐👍🏻
其實整體食物都正 不過請番黎嗰 d炒散 質素麻麻 有倒瀉野既情況 希望酒店會留意😅
🍴明閣三小碟 五香燒腩肉🐷麻油海蜇😁松茸金菇蟲草花🌿
燒腩係燒得夠香 夠脆 但未到有五層肉 驟眼睇同咬落去都係三層肉 不過肉質已十分唔錯 , 麻辣海蜇 一 d都唔辣 但夠凍同爽口👍🏻 最後嗰 d金菇 蟲草花同松茸 合埋一齊 三樣野都係爽口 咬落又帶 d松茸特有既藥材香味 😁 夠特別 又有層次感
🍴點心拼盤
脆肉瓜帶子餃 🥟 餃皮偏厚 入面既脆肉瓜 juicy 新鮮 帶子切得大細適中 冇乜落鹽 純綷食番佢既鮮味 👍🏻莧菜星班餃 餃皮都係偏厚 星班放喺餃上面 蒸得剛熟值得一讚🐟而上素羊肚菌春卷 春卷皮個人覺得厚左 d . 夠哂香脆 咬開熱辣辣 羊肚菌散發住獨特既香味 🍄加埋 d素菜既口感 唔錯
🍴海鮮焗釀響螺 🐚
用個響螺殼 釀 d海鮮入去 . 入面其實大部分都係類似米糕 帶 d葡汁味而且口感黏稠 但個味太濃 令到我試唔出有乜海鮮味 又或者太少海鮮😂 但螺肉係好多同彈牙既 切到好碎 有口感 但反而變左 d餡係主角多過螺肉 呢個一般
🍴琥珀露筍玲瓏脆綠🌿
個名勁靚 但其實係露筍 杏桃 白果 馬蹄 炒埋一齊😂 不過全部野一齊炒但都冇蓋過大家既味 係正既 露筍 同馬蹄都爽口 juicy白果 個味又夠香 ok 👍🏻
🍴濃湯花膠雞絲湯🍲
一上枱就聞到 個味真係超濃 雞味勁香 帶 d煙靭既雞絲 🐤爽口既菇同木耳絲 花膠估計應該有勁多但溶哂入湯入面 所以味道香濃 好膠 夠哂滋潤👍🏻
🍴原隻鮑魚拌花菇
帶左少少雞味茨汁做底 佢既菜苗夠新鮮 上面既花菇 大大隻厚肉同香甜 抵讚👍🏻鮑魚都算大隻 醃得夠軟林 但又不失少少彈牙口感 而且佢個茨汁夠哂香濃 都整得夠入味 正
🍴富貴鹽香雞🐤
呢個雞個顏色睇落去好淺色 應該冇乜落調味料整 真係帶 d鹽香 但唔係煮完落好多鹽😂彈牙嫩滑度適中 勝在夠香 都 ok
🍴蝦籽鮑汁燘伊麵🦐🍜
伊麵係好肥既食物 但見佢蝦籽甘香 就食少少😈 伊麵用左鮑汁浸夠哂香濃 口感帶 d濕潤 蝦籽夠香同惹味 帶出伊麵香味🦐 伊麵本身偏粗身爽口 整體幾好食
🍴上湯煎粉果🥟
佢個上湯 應該同雲吞麵嗰 d好似 有蝦殼大地魚等香味 再加 d葱花🌿 粉果出面幾香脆 皮內質帶 d 麵粉既黏稠 浸喺上湯度食 淋左個口感都幾特別 入面既餡帶 d 豬肉 馬蹄 甜咸兼備🐷 成個口感整體幾特別
🍴蛋白杏仁茶🥚☕
呢個蛋白杏仁茶 勁正 一上枱杏仁味夠香 又唔會搶左蛋白味 成個茶入面仲有好多香滑蛋白 . 所以口感夠潤夠滑 但又帶 d杏仁香甜味 正😍
🍴合桃酥
夠香脆 合桃好香 個人覺得甜左少少
🍴壽包
剛蒸起 超大個 😈 包皮正常口感 入面既蓮蓉暖暖地甜度適中 最正係成個咸蛋皇🥚 夠香咸 好飽 但味道唔錯😂
#中菜 #東星班 #合桃酥 #壽包 #雞湯 #鮑魚 #燒肉 #海蜇 #雞 #粉果 #點心 #冬菇 #伊麵
Score 平均分 <7.8/10>
Taste 味道：👍🏻👍🏻👍🏻👍🏻
Present 外觀：👍🏻👍🏻👍🏻👍🏻
Decor&Hygiene 環境衞生：👍🏻👍🏻👍🏻👍🏻
Value for $ 性價比：👍🏻👍🏻👍🏻
Service 服務：👍🏻👍🏻👍🏻👍🏻
~~~~~~~~~~~~~
#宴會廳
旺角上海街555 號康得思酒店 8 樓
~~~~~~~~~~~~
Post
