太平館餐廳

Open Now

Now Closed

上星期去K11睇完王家衛電影展，心血來潮想去一間懷舊餐廳食下野。於是我今日就去咗銅鑼灣太平館，諗住感受一下懷舊嘅氣氛。午餐選擇都算多，最後我選擇太平館瑞士汁炒牛河 $89。餐包一般，因為凍咗，我覺得暖嘅餐包先至好味。蘑菇湯不過不失，都有少少蘑菇粒。可惜瑞士汁牛河就有啲失望，啲汁好杰，味道較鹹，牛肉肉質普普通通，完全冇驚喜。最後叫咗一杯走糖少冰嘅檸茶作為句號。埋單$97 ，環境係舒服，不過食物質素好似比以前下降咗少少。