Video
Read full review
2021-08-05
2453 views
一家人同我食餐生日飯，大佬Book咗呢間，食5:30 – 7:30時段，預訂6人檯嘅窗邊位置。其實我就唔太鍾意食餐晚飯要限時限刻，不過大佬Book檯時冇了解清楚，而且被要求之下又落咗Deposit，咁費事取消又再搵地方，就照原定計劃。當日我同大佬準時到達，餐廳唔太大，大概都有20多張檯，當時計埋我哋只有兩檯客人。安排入坐時發現分開2張檯，一張4人，另一張2人檯，檯質與之間離行離迾，仲有一張賿片相隔，一家人（當日只有5人出席）食得好疏離，而且因為大家share啲dish 嚟食嘅關係，下下都要離檯行嚟行去交換食物，成餐飯嘅過程都幾唔舒坦。嗰日旺角大塞車，家人兩位成員遲到，因為限時，所以唯有我發板叫咗以下食物:-1. 燒慢煮16小時辣豬助骨 – 豬助骨味道一貫，肉質有啲嚡。薯角配菜沙律普普通通。2. 意大利手卷意粉伴野菌、辣肉腸及巴馬臣芝士 - 手卷意粉一條條，紐紐哋，口感煙煙韌韌，成碟粉都係靠辣肉腸帶出味道，都幾香濃野味。3. 煎慢煮美國頂級安格斯牛柳 – 是晚餐廳食牛扒唯一選擇，Order Medium Rare，生熟度係完全達致要求。牛扒面煎出整齊格格，小小焦香，肉質有咬口得嚟都軟淋冇
當日我同大佬準時到達，餐廳唔太大，大概都有20多張檯，當時計埋我哋只有兩檯客人。安排入坐時發現分開2張檯，一張4人，另一張2人檯，檯質與之間離行離迾，仲有一張賿片相隔，一家人（當日只有5人出席）食得好疏離，而且因為大家share啲dish 嚟食嘅關係，下下都要離檯行嚟行去交換食物，成餐飯嘅過程都幾唔舒坦。
嗰日旺角大塞車，家人兩位成員遲到，因為限時，所以唯有我發板叫咗以下食物:-
1. 燒慢煮16小時辣豬助骨 – 豬助骨味道一貫，肉質有啲嚡。薯角配菜沙律普普通通。
豬肋骨
43 views
2 likes
0 comments
2. 意大利手卷意粉伴野菌、辣肉腸及巴馬臣芝士 - 手卷意粉一條條，紐紐哋，口感煙煙韌韌，成碟粉都係靠辣肉腸帶出味道，都幾香濃野味。
手卷意粉
47 views
0 likes
0 comments
3. 煎慢煮美國頂級安格斯牛柳 – 是晚餐廳食牛扒唯一選擇，Order Medium Rare，生熟度係完全達致要求。牛扒面煎出整齊格格，小小焦香，肉質有咬口得嚟都軟淋冇渣，調味適中，不過牛肉味略遜。伴碟薯蓉都好香滑，小露荀同蕃茄乾都不遜色。
安格斯牛柳
42 views
0 likes
0 comments
4.白汁野菌鮟鱇魚臉頰 (個名唔太記得) – 白汁夠香、濃、滑同稠度適中，魚臉頰煎到金黃色，件件一口size，咬落去有意想不到嘅彈牙，配上啲白汁連野菌一啖入口，口感豐富。
鮟鱇魚臉頰
44 views
0 likes
0 comments
5. 慢煮黃油雞髀沙律 (個名唔太記得) - 雞脾表面煎到金黃香脆，內裡肉質鮮嫩多汁，味道略嫌唔太突出，食唔出係黃油雞。新鮮沙律菜配上橄欖油同蕃茄乾都好清爽。
黃油雞髀沙律
46 views
0 likes
0 comments
6. 半打生蠔連兩杯白酒set X2 – 白酒係一般House Wine，容易入口得嚟清新。佐酒生蠔口感一般，宜家嘅季節啲蠔都係偏瘦，而蠔本身甜味同海水味都欠奉。
生蠔
47 views
1 likes
0 comments
生蠔+白酒
53 views
0 likes
0 comments
7. 火焰朱古力球 – 用燒著咗嘅酒淋落個古力球，令古力溶喺球裡面嘅雲呢嗱雪糕，連伴碟士多啤梨一齊食，加上有酒香餘韻，令呢餐寫上完美句號。
火焰朱古力球
42 views
0 likes
0 comments
火焰朱古力球
48 views
2 likes
0 comments
另外都叫咗兩杯Cocktail & 一杯 Mocktail – Passion Fruit Mojito, Classic Mojito & Karffir Lime Collin，飲品方面質素都唔差，不過每杯都需要等好耐，情況有漏單再加上製作過程效率慢，大概每杯order後平均需要20分鐘左右後至會上到檯，最好不時提提服務員，因為試過一杯飲品漏單兩次。
50 views
0 likes
0 comments
大概到7:00服務員已要求last order， 7:30準時過嚟埋單。離開嘅時候目測餐廳都係6成滿左右，又唔見有其他客人等入坐，可能有晏啲booking 啩。不過其實當時本身我哋都想再叫啲飲品，不過餐廳又好似唔想你留底，怕我哋唔會冇消費坐喺度，同行親人感覺唔太良好。其實食物同飲品質素都比預期好，餐廳環境都尚可，不過服務同其他配套好似略遜一籌。
Post
