濱松町日本料理

Open Now

Now Closed

同屋企人到佐敦食日本料理，一直想試呢間好耐，因為知道餐廳師傅特登到日本學廚。夜晚7:00左右去到，我哋係第一台客人，於是安排左我哋坐單邊有梳化的位，裝修好似啲居酒屋，又掛咗一幅日本畫，環境好舒服。叫咗一客上壽司盛（$268），一共有10件壽司，件件都好新鮮，最正嘅就係海膽壽司，海膽唔會太聲而且份量足。另外叫咗個北海煙肉燒蠔（$75），一碟有兩隻，用咗芝士同沙律醬去焗，配埋鹹鹹地嘅煙肉，同蠔真係好夾，超級推薦。仲有叫咗黑松露炒雜菌($75），上嘅時候熱辣辣，有好香嘅牛油味，全家人都話正，仲話要研究下返屋企點煮。除此仲叫咗一碟蟹膏蟹肉炒飯($128），蟹肉落足料，炒飯好有鑊氣，飯底係用咗啡色嘅日本珍珠米。總括而言，呢間日本料理好高質，食物嘅質素高，價錢合理，值得推介！